బల్లార్పూర్ బహిరంగ సభలో పవన్ కళ్యాణ్ ప్రసంగంలో ముఖ్యాంశాలు

వారాహి మీడియా డాట్ కామ్ ఆన్ లైన్ న్యూస్, నవంబర్ 17,2024: బల్లార్పూర్ అనేది ఒక మినీ భారతదేశం, ఇక్కడ అన్ని భాషలూ, అన్ని ప్రాంతాల ప్రజలు కలిసి ఉంటారు. మన బతుకమ్మ, మన సమ్మక్క సారక్క జాతర ఇక్కడ ఈ నేలపై జరుగుతుంది.

కొంతమంది హైదరాబాద్ నుంచి వచ్చి మన సమ్మక్క సారక్క జాతరను, బతుకమ్మను అపహాస్యం చేస్తారు. అన్ని మతాలను సమానంగా చూసే మన సనాతన ధర్మంపై దాడి జరిగితే, నేను తప్పకుండా బయటకు వచ్చి పోరాడుతాను.

జనసేన పార్టీని బలంగా తీసుకెళ్లడంలో మహారాష్ట్ర స్ఫూర్తి కూడా ఉంది. ఒకరు ఛత్రపతి శివాజీ మహారాజ్, ఇంకొకరు హిందూ హృదయ్ సామ్రాట్ బాలసాహెబ్ ఠాక్రే ఆయన పుణ్య తిథి సందర్భంగా ఆయనకు నివాళి అర్పిస్తున్నాను.

శతాబ్దాల ఎదురుచూపులు తరవాత, అయోధ్య రామ జన్మభూమి లో రామ్ లల్లా విగ్రహం ప్రతిష్ట జరిగింది. మన బల్లార్పూర్ ప్రజల అదృష్టం… ఆ ఆలయానికి తలుపులు ఇక్కడ టేకుతో తయారు అయ్యాయి.

దారి పొడవునా వస్తుంటే, “హైవే మ్యాన్ ఆఫ్ ఇండియా” నితిన్ గడ్కరీ మొత్తం హైవేలు నిర్మించారు. “నిర్మించడానికి రోడ్లు ఏమీ లేవు” అని NDA అభ్యర్థి సుధీర్ ముంగటివర్ చెప్పారు, ఇది ఎన్డీయే ప్రభుత్వం సాధించిన ప్రగతి.

శివసేన,జనసేన రెండు పార్టీలు సనాతన ధర్మ పరిరక్షణ కోసం పని చేశాయి. ఈ భావనకు స్ఫూర్తి ఇచ్చిన వ్యక్తి బాలాసాహెబ్ ఠాక్రే . ఆయన స్ఫూర్తితో, ప్రాంతీయతను విస్మరించని జాతీయవాదం పటిష్టం చేయాలని నేను పని చేశాను.

ఆర్.ఎస్.ఎస్. లేని భారతదేశం ఊహించుకుంటే, ఇంత బలంగా ఉండేదా? ఆర్.ఎస్.ఎస్. ఉందని, విచ్ఛిన్న శక్తులు దేశాన్ని విడగొట్టలేకపోయాయి.

ఎన్డీయే ప్రభుత్వం మహారాష్ట్ర అభివృద్ది కోసం అనేక ప్రత్యేక చర్యలు తీసుకుంది. ఈ ఎన్నికల్లో రాష్ట్రంలో ఎన్డీయే ప్రభుత్వం స్థాపించేందుకు మీరు అందరూ ఓటు వేయాలి అని కోరుతున్నాను.

నూతనంగా నిర్మించిన పార్లమెంట్ భవనంలో, తమిళనాడు సంస్కృతిని ప్రతిబింబించే సెంగోల్ ఏర్పాటు చేశారు. మహారాష్ట్ర నుంచి మరాఠా భాషను పార్లమెంట్‌లో క్లాసికల్ భాషగా గుర్తించారు.

భారత్ $5 ట్రిలియన్ ఆర్థిక వ్యవస్థగా మారాలంటే, మహారాష్ట్ర ఆర్థిక వ్యవస్థను అభివృద్ధి చేయాల్సి ఉంది.

మహారాష్ట్ర అభివృద్ది చెందాలన్నా, బల్లార్పూర్ అభివృద్ది చెందాలన్నా, లక్ష కోట్ల ఆర్థిక వ్యవస్థగా మహారాష్ట్ర ఎదగాలంటే, ఎన్డీయే కూటమి అభ్యర్థిని గెలిపించండి, ఓట్లు వేయండి.

నేను ఆంధ్రప్రదేశ్‌లో మార్పు తీసుకొచ్చి చూపించాను. వైసీపీని ఓడించలేరు అంటే, నేను ఓడించి చూపించాను. ఇప్పుడు మీరు కూడా ఎన్డీయే ప్రభుత్వాన్ని గెలిపించడానికి సిద్దం కావాలి.

నా పిల్లలతో నేను మరాఠీలో మాట్లాడుతాను. భాష మీద గౌరవంతో నేర్చుకున్నాను. విదేశీ భాషలు నేర్చుకునే మనం, మన సరిహద్దు రాష్ట్రాల భాషలు కూడా నేర్చుకోవాలి. కనీసం 5 ప్రాంతీయ భాషలు నేర్చుకోవాలి. మన భాష, సంస్కృతిని నేర్చుకోవాలి.

దేశానికి మూడవ సారి ప్రధానిగా నరేంద్ర మోదీ గెలవకూడదు అని కొందరు అనుకున్నప్పుడు, ఆంధ్రప్రదేశ్ నుంచి బలంగా అండగా నిలబడి, బలమైన నాయకుడిని ప్రధానిగా మూడవ సారి గెలిపించాం.

10 ఏళ్ల క్రితం దేశంలో ఎక్కువ ఉగ్రవాద దాడులు జరిగేవి. అలాంటి సమయంలో, నేను దేశానికి బలమైన వ్యక్తి ప్రధానిగా ఉండాలి అని కోరుకున్నాను. అప్పుడు నాకు కనిపించిన వ్యక్తి ప్రధాని నరేంద్ర మోదీ. ఆయన నేతృత్వంలో, బలమైన దేశంగా భారత్ ఎదిగింది, ఉగ్రవాద దాడులు తగ్గిపోయాయి.

About Author