హైదరాబాద్‌కు మరో భారీ అంతర్జాతీయ సంస్థ: జీనోమ్ వ్యాలీలో ‘రీజెనెరాన్’ గ్లోబల్ సెంటర్..!

వారాహి మీడియా డాట్ కామ్ ఆన్ లైన్ న్యూస్,మే 26,2026 : లైఫ్ సైన్సెస్, ఫార్మా రంగాల అంతర్జాతీయ హబ్‌గా మారుతున్న హైదరాబాద్‌కు మరో అంతర్జాతీయ స్థాయి ప్రతిష్టాత్మక సంస్థ రానుంది. అమెరికాకు చెందిన ప్రముఖ బయోటెక్నాలజీ దిగ్గజం ‘రీజెనెరాన్ ఫార్మాస్యూటికల్స్’ (Regeneron Pharmaceuticals) భాగ్యనగరంలో తన సరికొత్త ‘గ్లోబల్ కెపాబిలిటీ సెంటర్’ (GCC) ను ఏర్పాటు చేయనున్నట్లు అధికారికంగా ప్రకటించింది. 2026 ద్వితీయార్థంలో ఈ కేంద్రం అందుబాటులోకి రానుంది.

వందలాది ఉద్యోగాల కల్పన..

అమెరికా వెలుపల సంస్థ కార్యకలాపాల విస్తరణలో భాగంగా హైదరాబాద్‌లో ఏర్పాటవుతున్న ఈ అంతర్జాతీయ కేంద్రం ద్వారా రానున్న కాలంలో స్థానిక బయోటెక్, ఐటీ, డేటా సైన్స్ నిపుణులకు వందలాది సరికొత్త ఉద్యోగావకాశాలు లభించనున్నాయి. ముఖ్యంగా ఈ కేంద్రంలో:

ఆర్టిఫిషియల్ ఇంటెలిజెన్స్ (AI), డేటా మేనేజ్‌మెంట్

క్లినికల్ ట్రయల్ ఆపరేషన్స్

స్టాటిస్టికల్ ప్రోగ్రామింగ్, డిజిటల్ టెక్నాలజీస్

ఫార్మా కమర్షియల్ ఆపరేషన్స్ వంటి కీలక విభాగాల్లో పరిశోధనలు, కార్యకలాపాలు సాగనున్నాయి.

తెలంగాణ ఎకోసిస్టమ్‌కు దక్కిన గుర్తింపు: మంత్రి శ్రీధర్ బాబు..

రీజెనెరాన్ సంస్థ హైదరాబాద్‌ను ఎంచుకోవడంపై తెలంగాణ ఐటీ, పరిశ్రమల శాఖ మంత్రి దుద్దిళ్ల శ్రీధర్ బాబు హర్షం వ్యక్తం చేశారు. ఈ సందర్భంగా ఆయన మాట్లాడుతూ… “జీనోమ్ వ్యాలీ వేదికగా హైదరాబాద్ ప్రపంచ వ్యాక్సిన్ ఉత్పత్తి, ఫార్మా ఆవిష్కరణల్లో ఇప్పటికే అగ్రగామిగా నిలిచింది.

ఇదీ చదవండి :రికార్డు స్థాయి ఆర్థిక ఫలితాలను ప్రకటించిన ‘స్ట్రింగ్ మెటావర్స్’..

ఇదీ చదవండి :వైజాగ్‌లో ప్రోటీన్ డైట్ ట్రెండ్.. హెల్తీ ఫుడ్‌కు పెరిగిన డిమాండ్..

మన దగ్గరున్న అద్భుతమైన ప్రతిభ, మౌలిక సదుపాయాలు,ప్రతిపాదిత ‘గ్రీన్ ఫార్మా సిటీ’ వంటి ప్రాజెక్టులు అంతర్జాతీయ సంస్థలను ఆకర్షిస్తున్నాయి. రీజెనెరాన్ రాకతో ఇక్కడి లైఫ్ సైన్సెస్ ఎకోసిస్టమ్ మరింత బలోపేతం అవుతుంది” అని పేర్కొన్నారు.

భారత్‌తో బలపడుతున్న బంధం..

ఇప్పటికే 2022లో బెంగళూరులో చిన్న స్థాయిలో అడుగుపెట్టిన రీజెనెరాన్, ఇప్పుడు హైదరాబాద్‌లో పూర్తి స్థాయి గ్లోబల్ కేంద్రాన్ని ఏర్పాటు చేయడం ద్వారా భారతదేశాన్ని తన దీర్ఘకాలిక వృద్ధిలో కీలక భాగస్వామిగా మార్చుకోనుంది. 40 ఏళ్ల సుదీర్ఘ చరిత్ర ఉన్న ఈ సంస్థకు ప్రపంచవ్యాప్తంగా 15 వేల మందికి పైగా ఉద్యోగులు ఉండగా, ప్రస్తుతం 15 ఆమోదిత ఔషధాలు, మరో 50 కి పైగా కొత్త డ్రగ్స్ పరిశోధన దశలో ఉన్నాయి.

About Author