గచ్చిబౌలి స్టేడియంలో గ్రేస్ క్యాన్సర్ ఫౌండేషన్ 9వ గ్లోబల్ గ్రేస్ క్యాన్సర్ రన్ 2026

వారాహిమీడియా డాట్ కామ్ ఆన్ లైన్ న్యూస్, హైదరాబాద్‌, అక్టోబర్ 11,2026: క్యాన్సర్‌పై పోరాడుతున్న యోధులకు సంఘీభావంగా, ఆ మహమ్మారి బారినపడి ప్రాణాలు కోల్పోయిన వారికి నివాళిగా గచ్చిబౌలి స్టేడియం వేదికగా శనివారం రాత్రి

గ్రేస్ క్యాన్సర్ ఫౌండేషన్ ఆధ్వర్యంలో త్వరలో జరగనున్న ‘9వ గ్లోబల్ గ్రేస్ క్యాన్సర్ రన్ 2026’ సన్నాహకాల్లో భాగంగా ఈ స్ఫూర్తిదాయక కార్యక్రమాన్ని చేపట్టారు.

Read this also: Hisense India Announces Up to 40% Off on TVs for Festive Sales..

Read this also:Taj 51 Buckingham Gate Spotlights Bespoke Cinema and Jaguar Suites in London..

ఇదీ చదవండి:సర్వీసెస్ ఎక్స్‌ప్రెస్‌తో దక్షిణాదికి మొబైల్ సర్వీస్ ఇన్నోవేషన్ హబ్‌ను తీసుకువచ్చిన ష్నైడర్ ఎలక్ట్రిక్..

ఇదీ చదవండి:కల్ట్ బాయ్స్ మళ్లీ వచ్చేస్తున్నారు.. రెట్టింపు ఫన్, ఫుల్ మ్యాడ్‌నెస్‌తో ‘హుషారు 2’ అనౌన్స్‌మెంట్..

ఈ కార్యక్రమంలో విద్యార్థులు, స్వచ్ఛంద సేవకులు దాదాపు 500 మంది పాల్గొని స్టేడియాన్ని లాంతర్లు, కొవ్వొత్తుల వెలుగులతో నింపేశారు. తెలంగాణ స్టాండర్డ్స్ అథారిటీ ఫర్ ఫుడ్ అండ్ ఎసెన్షియల్ డ్రగ్స్ (TG SAFE) కమిషనర్ అవినాశ్ మొహంతి ముఖ్య అతిథిగా హాజరై, గ్రేస్ క్యాన్సర్ ఫౌండేషన్ వ్యవస్థాపకుడు, సీఈవో డాక్టర్ చిన్నబాబు సుంకవల్లి, ట్రస్టీ డాక్టర్ ప్రమీలారాణి సుంకవల్లి, ఎస్‌సీఎస్‌సీ ప్రతినిధి రమేశ్ కాజాలతో కలిసి గగనతలంలోకి లాంతరును ఎగురవేసి కార్యక్రమాన్ని ప్రారంభించారు.

లాంతర్ల వెలుగుల్లో స్ఫూర్తిదాయక సందేశం..

నింగికెగసిన ఆశల దీపాలు: చీకటిపై వెలుగు విజయానికి ప్రతీకగా స్వచ్ఛంద సేవకులు ఆకాశంలోకి వెలిగించిన లాంతర్లను వదిలారు. క్యాన్సర్‌ను ప్రారంభ దశలోనే గుర్తించడం, ముందస్తు జాగ్రత్తలు తీసుకోవడంపై ఇది ప్రజలకు అవగాహన కల్పిస్తుంది.

కొవ్వొత్తుల ర్యాలీ: మరో బృందం స్టేడియం చుట్టూ కొవ్వొత్తులు పట్టుకుని ప్రదర్శనగా నడిచి క్యాన్సర్ బాధితులకు సంఘీభావం ప్రకటించింది.

ఐక్య పోరాటం: క్యాన్సర్‌తో పోరాడుతున్న వారు ఎవరూ ఒంటరి కాదనే భరోసా కల్పించడం, ఆరోగ్య సంరక్షణపై సమాజంలో భాగస్వామ్యాన్ని పెంచడమే ఈ కార్యక్రమ ముఖ్య ఉద్దేశమని నిర్వాహకులు తెలిపారు.

ఈ సందర్భంగా అవినాశ్ మొహంతి మాట్లాడుతూ.. ప్రజారోగ్యం కోసం సమాజాన్ని ఒకచోటకు చేర్చి అవగాహన కల్పించడంలో గ్రేస్ క్యాన్సర్ ఫౌండేషన్ చేస్తున్న కృషి అభినందనీయమన్నారు. పలు రాష్ట్ర ప్రభుత్వాలు కూడా ఈ ఫౌండేషన్ ద్వారా స్క్రీనింగ్ కార్యక్రమాలు చేపట్టేందుకు ముందుకొస్తున్నాయని, ఇది వారి సేవలకు దక్కిన గుర్తింపు అని పేర్కొన్నారు.