కల్ట్ బాయ్స్ మళ్లీ వచ్చేస్తున్నారు.. రెట్టింపు ఫన్, ఫుల్ మ్యాడ్‌నెస్‌తో ‘హుషారు 2’ అనౌన్స్‌మెంట్..

వారాహి మీడియా డాట్ కామ్ ఆన్ లైన్ న్యూస్,హైదరాబాద్,అక్టోబర్ 6,2026: కుర్రకారులో స‌రికొత్త ఉత్సాహాన్ని నింపిన ఐకానిక్ ఫ్రాంచైజీ మరోసారి ప్రేక్షకులను అలరించేందుకు సిద్ధమవుతోంది. 2018లో విడుదలై యూత్‌లో మంచి క్రేజ్ సొంతం చేసుకున్న ‘హుషారు’ చిత్రం ఎంత‌టి ఘన విజయాన్ని అందుకుందో మ‌నంద‌రికీ తెలుసు.

ఆ స‌క్సెస్ తర్వాత..తాజాగా అంద‌రిలో ఆస‌క్తిని పెంచుతూ దర్శకుడు శ్రీ హర్ష ‘హుషారు 2’ను సీక్వెల్‌ను అధికారికంగా ప్రకటించారు. దీని టైటిల్ అనౌన్స్మెంట్ పోస్ట‌ర్‌ను కూడా రిలీజ్ చేశారు.

టైటిల్ పోస్ట‌ర్‌ను గ‌మ‌నిస్తే.. మొద‌టి భాగంలో ఐదుగురు స్నేహితులు రూపొందించిన క‌బూమ్ బీరు ఓ ట్ర‌క్కులో ఉంది. ఆ ట్ర‌క్కుకు రెండు వైపులా కొంద‌రు ప‌ట్టుకుని బ‌లంగా లాగుతున్నారు. వారికి తాడులా పాము క‌నిపిస్తోంది. పాము మ‌ధ్య‌లో స్నేహితులు చిక్కుకుని భ‌యప‌డుతున్నారు.

ట్ర‌క్కు కింద తాబేలు ఉంది. కాస్త దూరంలో బంగారు న‌గ‌లుతో ఉన్న పెట్టె ఉంది. పోస్ట‌ర్ వెనుక ఫ్యాక్ట‌రీ ఉంది. పోస్ట‌ర్‌ను చూస్తుంటే.. దేవ‌త‌లు, రాక్ష‌సులు క‌లిసి అమృత మ‌థ‌నం చేసిన క‌థ మ‌న‌కు గుర్తుకు వ‌స్తుంది.

Read this also:Orange Retail Finance and Shriram Finance signs co-lending agreement for Gold Loans in Tamil Nadu..

Read this also:CortevaBegins New Chapter as Focused, Innovation-Led, Global Crop Protection Leader..

ఆ క‌థ‌కు, ఈ సీక్వెల్‌కు ఉన్న లింకేంటి? అనే విష‌యం తెలియాలంటే హుషారు 2 సినిమా వ‌చ్చే వ‌ర‌కు ఆగాల్సిందే.

రెట్టింపు ఫన్, మ్యాడ్‌నెస్, నాన్‌స్టాప్ యూత్‌ఫుల్ ఎంటర్‌టైన్‌మెంట్‌తో ‘హుషారు 2’ తెరకెక్కనుంది. ఒరిజినల్ ‘హుషారు’ను తెలుగు రాష్ట్రాల ప్రేక్షకుల్లో కల్ట్ హిట్‌గా నిలిపిన ఎనర్జీ, ఎంటర్‌టైన్‌మెంట్‌ను ఈ సీక్వెల్ మరోసారి అందించనుంది.

ఒరిజిన‌ల్ క్రియేట‌ర్ రిట‌ర్న్స్‌

2018లో వచ్చిన ‘హుషారు’ చిత్రానికి కథ రాసి దర్శకత్వం వహించిన డైనమిక్ డైరెక్టర్ శ్రీ హర్ష కోనుగంటి మరోసారి మెగాఫోన్ పట్టుకోనున్నారు. యూత్ కల్చర్, ఆధునిక సంబంధాలు, కామెడీ టైమింగ్‌పై మంచి పట్టున్న శ్రీ హర్ష.. మరింత భారీగా, మరింత కొత్తగా రూపొందనున్న ‘హుషారు 2’కు దర్శకత్వం వహించనున్నారు.

Read this also:Axis Pension Fund launches ‘Axis NPS Swasthya Scheme’ a health-linked pension solution for medical emergencies

Read this also:Monsoon Season Brings Hidden Risks for Diabetics: Health Experts Advocate Continuous Monitoring..

శ‌ర‌వేగంగా పోస్ట్ ప్రొడక్ష‌న్‌.. ఏడాది చివర్లో గ్రాండ్ రిలీజ్

సినిమా ప్రధాన షూటింగ్ షెడ్యూల్స్‌ను పూర్తి చేసుకుంది. ప్రస్తుతం శరవేగంగా పోస్ట్ ప్రొడక్షన్ కార్యక్రమాలు జరుగుతున్నాయి. ప్రేక్షకులకు అత్యున్నత స్థాయి సినిమాటిక్ అనుభూతిని అందించేందుకు చిత్ర యూనిట్ సిద్ధ‌మ‌వుతోంది.

ఏడాది చివర్లో సినిమాను గ్రాండ్‌గా థియేటర్లలో విడుదల చేసేందుకు మేకర్స్ సన్నాహాలు చేస్తున్నారు.

న‌టీన‌టులు: రాహుల్ రామ‌కృష్ణ‌, అశోక్ గ‌ల్లా, ర‌వి అంథోని, దినేష్ తేజ్‌, శ‌శిధ‌ర్ కోచ‌ర్ల‌కోట‌, విధి యాద‌వ్‌, అభిజ్ఞ ఉతులూరు, భ‌గ‌వాన్ తివారి, జతిన్ గోసామి, ర‌జ‌య్ రోవన్ త‌దిత‌రులు

సాంకేతిక వ‌ర్గం:

ర‌చ‌న‌, ద‌ర్శ‌క‌త్వం: శ‌్రీహ‌ర్ష కొనుగంటి
నిర్మాణ సంస్థ‌లు: కేవ్‌మ్యాన్ స్టోరీస్‌, హెచ్‌కె ఫిల్మ్స్‌, క‌లియుగ వార‌ధ క్రియేష‌న్స్‌
నిర్మాత‌లు: రాహుల్ వ‌ర్మ‌, కె.వీణా రాణి, కె.హ‌నుమంత్ రాజు
స‌హ నిర్మాత‌: కోమ‌టిరెడ్డి శ‌ర‌ణ్ రెడ్డి
సినిమాటోగ్ర‌ఫీ: జి.శ్రీనివాస్ రెడ్డి
మ్యూజిక్‌: స‌న్ని ఎం.ఆర్‌
అడిష‌న‌ల్ మ్యూజిక్ డైరెక్ట‌ర్‌: రామ్ మిర్యాల‌
ఎడిట‌ర్‌: విజ‌య్ వ‌ర్ధ‌న్ కావూరి
ఆర్ట్ డైరెక్ట‌ర్‌: శ‌్రీకాంత్ రామిశెట్టి
ఎగ్జిక్యూటివ్ ప్రొడ్యూస‌ర్‌: జ‌క్కుల వెంక‌టేష్ యాద‌వ్‌
కాస్ట్యూమ్ డిజైన‌ర్‌: ఆజాద్ వ‌ర్మ‌
అసోసియేట్ ప్రొడ్యూస‌ర్‌: దేవ‌న‌ప‌ల్లి తిరుప‌తి
పి.ఆర్‌.ఒ: నాయుడు-ఫ‌ణి(బియాండ్ మీడియా)