సినిమా రివ్యూ:స:కుటుంబానాం..కొత్త ఏడాదిలో కుటుంబంతో కలిసి చూడదగ్గ ఎంటర్టైనర్ మూవీ..!
వారాహి మీడియా డాట్ కామ్ ఆన్ లైన్ న్యూస్,హైదరాబాద్, జనవరి1, 2026: హెచ్.ఎన్. జి సినిమాస్ ఎల్.ఎల్.పి బ్యానర్పై నిర్మితమైన ఫ్యామిలీ ఎంటర్టైనర్ సినిమా స:కుటుంబానాం. నటీనటులు: రామ్ కిరణ్, మేఘ ఆకాష్, రాజేంద్ర ప్రసాద్, బ్రహ్మానందం, సత్య, శుభలేఖ సుధాకర్, భద్రం తదితరులు.
వారాహి మీడియా డాట్ కామ్ ఆన్ లైన్ న్యూస్,హైదరాబాద్, జనవరి1, 2026: హెచ్.ఎన్. జి సినిమాస్ ఎల్.ఎల్.పి బ్యానర్పై నిర్మితమైన ఫ్యామిలీ ఎంటర్టైనర్ సినిమా స:కుటుంబానాం. నటీనటులు: రామ్ కిరణ్, మేఘ ఆకాష్, రాజేంద్ర ప్రసాద్, బ్రహ్మానందం, సత్య, శుభలేఖ సుధాకర్, భద్రం తదితరులు. సంగీతం: మణిశర్మ ఛాయాగ్రహణం: మధు దాసరి నిర్మాతలు: హెచ్. మహదేవ్ గౌడ్, హెచ్ నాగరత్న కథ – స్క్రీన్ ప్లే – దర్శకత్వం: ఉదయ్ శర్మ
హెచ్.ఎన్. జి సినిమాస్ ఎల్.ఎల్.పి బ్యానర్పై రూపొందిన ఫ్యామిలీ ఎంటర్టైనర్ ‘స:కుటుంబానాం’. నూతన నటుడు రామ్ కిరణ్ హీరోగా, మేఘ ఆకాష్ హీరోయిన్గా నటించిన ఈ చిత్రం జనవరి 1న థియేటర్లలో విడుదలైంది. మరి ఈ సినిమా ప్రేక్షకులను ఏ మేరకు మెప్పించిందో రివ్యూలో చూద్దాం..
కథ:
కళ్యాణ్ (రామ్ కిరణ్) ఒక సాధారణ సాఫ్ట్వేర్ ఉద్యోగి. అతనికి తన కుటుంబమే సర్వస్వం. ఆఫీస్, ఫ్యామిలీ తప్ప వేరే లోకం తెలియని కళ్యాణ్, తన కుటుంబాన్ని ఎవరైనా చిన్న మాట అన్నా అస్సలు భరించలేడు. ఇలాంటి తరుణంలో కళ్యాణ్ పని చేసే ఆఫీస్లో సిరి (మేఘ ఆకాష్) జాయిన్ అవుతుంది. ఫ్యామిలీ బాధ్యతల్లో మునిగి తేలే కళ్యాణ్.. సిరితో ఎలా ప్రేమలో పడ్డాడు? ఆ తర్వాత వీరి జీవితాల్లో చోటు చేసుకున్న పరిణామాలు ఏంటి? అనేదే మిగిలిన కథ.
విశ్లేషణ:
దర్శకుడు ఉదయ్ శర్మ ఒక స్వచ్ఛమైన ఫ్యామిలీ డ్రామాను ఎంచుకున్నారు.
మొదటి భాగం :సినిమా ప్రారంభం నుంచి సరదా సన్నివేశాలతో సాగిపోతుంది. ముఖ్యంగా ఆఫీస్ సెటప్లో బ్రహ్మానందం, సత్య ,భద్రం పండించిన కామెడీ సినిమాకు పెద్ద ఎసెట్. హీరో హీరోయిన్ల మధ్య సాగే లవ్ స్టోరీ,తండ్రి పాత్రలో రాజేంద్ర ప్రసాద్తో వచ్చే సన్నివేశాలు హృద్యంగా ఉన్నాయి. ఇంటర్వెల్ లో వచ్చే ట్విస్ట్ ద్వితీయార్థంపై ఆసక్తిని కలిగిస్తుంది.
రెండో భాగం (Second Half): రెండో భాగం అంతా ఎమోషన్స్ ,ఎంటర్టైన్మెంట్ మేళవింపుగా సాగుతుంది. ప్రీ-క్లైమాక్స్ ,క్లైమాక్స్ సీన్స్ ప్రేక్షకులను కట్టిపడేస్తాయి. రెండు గంటల పాటు ఎక్కడా బోర్ కొట్టకుండా దర్శకుడు కథను నడిపించిన తీరు బాగుంది.
హీరోగా పరిచయమైన రామ్ కిరణ్ తన మొదటి సినిమాతోనే ఆకట్టుకున్నారు. యాక్టింగ్, ఫైట్స్ మరియు డ్యాన్స్లలో మంచి ఈజ్ చూపించారు. సీనియర్ హీరోల తరహాలో ఎనర్జిటిక్ పెర్ఫార్మెన్స్ ఇచ్చారు. హీరోయిన్ మేఘ ఆకాష్ తన అందం,అభినయంతో పాత్రకు నిండుతనాన్ని తెచ్చారు. సీనియర్ నటులు రాజేంద్ర ప్రసాద్, బ్రహ్మానందం, శుభలేఖ సుధాకర్ తమ అనుభవంతో సినిమా స్థాయిని పెంచారు.
సంగీతం: మెలోడీ బ్రహ్మ మణిశర్మ సాంగ్స్ అన్నీ బాగున్నాయి. ముఖ్యంగా ఆయన అందించిన బ్యాక్ గ్రౌండ్ స్కోర్ (BGM) సినిమాకు ప్రాణం పోసింది.
ఛాయాగ్రహణం: మధు దాసరి సినిమాటోగ్రఫీ సినిమాకు రిచ్ లుక్ ఇచ్చింది. ప్రతి ఫ్రేమ్ చాలా కలర్ఫుల్గా ఉంది.
ఎడిటింగ్: శశాంక్ మలి, శివ శర్వాణి ఎడిటింగ్ క్రిస్పీగా ఉంది. ల్యాగ్ లేకుండా సినిమాను స్పీడ్గా నడిపించారు.
నిర్మాణ విలువలు: నిర్మాతలు హెచ్. మహదేవ్ గౌడ్, హెచ్ నాగరత్న ఎక్కడా రాజీ పడకుండా సినిమాను అత్యంత గ్రాండ్గా నిర్మించారు.
ప్లస్ పాయింట్స్:రామ్ కిరణ్ నటన, మేఘ ఆకాష్ అందం, బ్రహ్మానందం, సత్య కామెడీ,హృదయానికి హత్తుకునే ఫ్యామిలీ ఎమోషన్స్,మణిశర్మ సంగీతం.
కొత్త సంవత్సరంలో కుటుంబ సభ్యులందరితో కలిసి సరదాగా చూడదగ్గ సినిమా ‘స:కుటుంబానాం’. మంచి కథ, చక్కని హాస్యం,భావోద్వేగాలు ఉన్న ఈ చిత్రం ప్రేక్షకులకు ఒక మంచి ఫీల్ ఇస్తుంది.
రేటింగ్: 3/5
About Author
