ZEE5లో రాబిన్ హుడ్ హవా: 100 మిలియన్ మినిట్స్ క్లాక్..

వారాహి మీడియా డాట్ కామ్ ఆన్ లైన్ న్యూస్, మే 22, 2025: ఈ వేసవిలో ZEE5 మరోసారి తనదైన శైలిలో ప్రేక్షకులను అలరించింది. నితిన్, శ్రీలీల ప్రధాన పాత్రల్లో నటించిన తాజా తెలుగు సూపర్ హిట్ మూవీ ‘రాబిన్ హుడ్’ OTTలో రికార్డులు సృష్టిస్తోంది. మే 10న టెలివిజన్‌తో పాటు ZEE5లో ప్రీమియర్ అయిన ఈ సినిమా ఇప్పుడు 100 మిలియన్ స్ట్రీమింగ్ మినిట్స్ మైలురాయిని దాటి, టాప్ ట్రెండింగ్‌లో నిలిచింది.

విభిన్న వర్గాల ప్రేక్షకులను ఆకట్టుకునేలా యాక్షన్, కామెడీ, థ్రిల్లర్ అంశాలతో రూపొందిన ఈ చిత్రానికి ప్రేక్షకులు బ్రహ్మరధం పలుకుతున్నారు.

🎬 కథా సంక్షిప్తం:
రామ్ (నితిన్) అనాథ అయినా తెలివైన యువకుడు. ధనవంతుల నుంచి డబ్బు దొంగిలించి పేదలకు సహాయం చేస్తూ రాబిన్ హుడ్ తరహా జీవితం సాగిస్తుంటాడు. అయితే, అనుకోని మలుపుగా ఓ అంతర్జాతీయ మాఫియా సామ్రాజ్యంతో అతని ఢీ తలుస్తుంది. తర్వాత జరిగే సంఘటనలే సినిమా ఉత్కంఠభరితంగా ముందుకు నడిపిస్తాయి.

🎥 తారాగణం, సాంకేతిక బృందం:
వెంకీ కుడుముల దర్శకత్వంలో తెరకెక్కిన ఈ చిత్రంలో రాజేంద్ర ప్రసాద్, షైన్ టామ్ చాకో, దేవ్ దత్త నాగె, వెన్నెల కిషోర్, శుభలేఖ సుధాకర్ వంటి ప్రముఖులు కీలక పాత్రలు పోషించారు. అంతేకాదు, మాజీ ఆస్ట్రేలియా క్రికెట్ స్టార్ డేవిడ్ వార్నర్ ఈ సినిమాలో స్పెషల్ క్యామియోగా కనిపించడం విశేషం.

ఈ సినిమాను మైత్రీ మూవీ మేకర్స్ బ్యానర్‌పై నవీన్ యెర్నేని మరియు యలమంచిలి రవిశంకర్ సంయుక్తంగా నిర్మించగా, సంగీతాన్ని జివి ప్రకాష్ కుమార్ అందించారు.

📺 ఇప్పుడే చూడండి:
ZEE5లో ‘రాబిన్ హుడ్’ సినిమాను ప్రత్యేకంగా వీక్షించండి. నాణ్యమైన వినోదానికి ZEE5 మీకో క్లిక్ దూరంలో ఉంది!

▶️ Robinhood on ZEE5

About Author

varahimedia.com

See author's posts