హైదరాబాద్‌లో AI ఆధారిత దీర్ఘకాలిక ECG మానిటరింగ్ టెక్నాలజీని భారత్‌లో ప్రారంభించనున్న Kardi ఏ.ఐ..

వారాహి మీడియా డాట్ కామ్ ఆన్ లైన్ న్యూస్,హైదరాబాద్, సెప్టెంబర్ 18, 2026: AI ఆధారిత నూతన తరం దీర్ఘకాలిక కార్డియాక్ మానిటరింగ్ టెక్నాలజీ భారత మార్కెట్లోకి ప్రవేశించనుంది. Kardi Ai అధికారిక భారత ప్రారంభోత్సవం సెప్టెంబర్ 26న హైదరాబాద్‌లో జరగనుందని Kardi Ai డైరెక్టర్ – ఇంటర్నేషనల్ ఆపరేషన్స్ & అథరైజ్డ్ రిప్రజెంటేటివ్ – ఇండియా డా. రమణ జగర్లమూడి, Eurasia Medical Technologies LLP సైంటిఫిక్ అడ్వైజర్ & కో-ఫౌండర్ డా. రాఘవేంద్ర రావు శుక్రవారం FTCCIలో నిర్వహించిన విలేకరుల సమావేశంలో వెల్లడించారు.

చెక్ రిపబ్లిక్‌కు చెందిన హెల్త్‌టెక్ సంస్థ Kardi Ai అభివృద్ధి చేసిన ఈ టెక్నాలజీ, వేర్‌బుల్ ECG ఛెస్ట్ స్ట్రాప్, మొబైల్ కనెక్టివిటీ, AI ఆధారిత ECG విశ్లేషణను కలిపి, రోగులు తమ సాధారణ రోజువారీ కార్యకలాపాలు కొనసాగిస్తూనే దీర్ఘకాలం పాటు గుండె రిథమ్‌ను పర్యవేక్షించేందుకు వీలు కల్పిస్తుంది.

భారత్‌లో Kardi Ai ప్రవేశాన్ని హైదరాబాద్‌కు చెందిన Eurasia Medical Technologies LLP సంస్థ రంగం సిద్ధంచేస్తోంది

ECG అనేది ఒక స్నాప్‌షాట్… Holter 24 గంటల పాటు రికార్డింగ్ చేయగలడు. అదే Kardi Ai దీర్ఘకాలిక పరిశీలన చేయగలదు.

గుండె జబ్బు నిర్ధారణ ప్రక్రియలో ప్రధాన సవాళ్లలో ఒకటి గుండె స్పందనలో అసాధారణతలు నిరంతరం కనిపించకపోవడం. రోగి సాధారణ ECG చేయించుకునే సమయంలో లేదా 24 గంటల Holter మానిటరింగ్ సమయంలో ఆ అసాధారణ రిథమ్ కనిపించకపోవచ్చు.

సాంప్రదాయ ECG గుండె పనితీరును ఒక చిన్న సమయానికి సంబంధించిన స్నాప్‌షాట్‌గా అందిస్తుంది. Holter మానిటర్ సాధారణంగా నిర్దిష్ట వ్యవధిలో, తరచుగా 24 గంటల పాటు, గుండె కార్యకలాపాలను రికార్డ్ చేస్తుంది. దీనికి భిన్నంగా, Kardi Ai దీర్ఘకాలిక మానిటరింగ్ వ్యవధిని అందించేలా రూపొందించబడింది. దీని ద్వారా ఎక్కువ కాలం సేకరించిన ECG డేటాను వైద్యులు పరిశీలించి, అప్పుడప్పుడు మాత్రమే సంభవించే గుండె రిథమ్ అసాధారణతలను గుర్తించేందుకు సహాయపడుతుంది.

స్నాప్‌షాట్ నుంచి దీర్ఘకాలిక పరిశీలన వరకు — గుండె పనితీరును మరింత సమగ్రంగా అధ్యయనం చేయడానికి ఇది ఉపయోగపడుతుంది. సులభంగా చెప్పాలంటే: ECG – గుండెకు సంభిందించిన ఒక స్నాప్‌షాట్ ఇస్తుంది. Holter – 24 గంటల రికార్డింగ్ ఇవ్వగలదు.

Kardi Ai – గుండె రిథమ్‌పై దీర్ఘకాలిక పరిశీలనకు కావలసిన సమాచారాన్ని ఇవ్వగలదు

రోగి తన రోజువారీ కార్యకలాపాలు కొనసాగిస్తూ తేలికైన ECG ఛెస్ట్ స్ట్రాప్‌ను(ఛాతీపై ) ధరించవచ్చు. రికార్డ్ అయిన ECG డేటా మొబైల్ ప్లాట్‌ఫామ్ ద్వారా ప్రసారం అవుతుంది. AI ఆధారిత విశ్లేషణ వైద్యులకు డేటాను సమీక్షించడంలో, సంభావ్య రిథమ్ అసాధారణతలను గుర్తించడంలో సహాయపడుతుంది.

ఈ టెక్నాలజీ వైద్యులకు సహాయక సాధనంగా మాత్రమే పనిచేస్తుంది; క్లినికల్ డయాగ్నసిస్ లేదా వైద్య

నిర్ణయాలను భర్తీ చేయదు.

Kardi Aiను భారత్‌లో సాధారణ వినియోగదారుల కోసం రూపొందించిన ఫిట్‌నెస్ పరికరంగా కాకుండా, ప్రిస్క్రిప్షన్-గ్రేడ్ మెడికల్ టెక్నాలజీగా ప్రవేశపెడుతున్నారు.

కంపెనీ తెలిపిన వివరాల ప్రకారం, ఈ పరికరానికి భారత ప్రభుత్వ MD-15 లైసెన్స్ లభించింది. దీంతో భారత్‌లో దిగుమతి , విక్రయానికి అనుమతి పొందింది. ఈ పరికరం యూరోపియన్ యూనియన్ మెడికల్ డివైస్ రెగ్యులేటరీ ఫ్రేమ్‌వర్క్ కింద CE Mark పొందింది.

ఇది EU MDR Class IIa కేటగిరీకి చెందిన మెడికల్ డివైస్. తయారీ మరియు నాణ్యతా ప్రక్రియలు మెడికల్ డివైసుల కోసం అంతర్జాతీయ నాణ్యతా నిర్వహణ ప్రమాణమైన ISO 13485కు అనుగుణంగా ఉన్నాయని కంపెనీ తెలిపింది.

అధికారిక ప్రారంభోత్సవానికి కార్డియాలజిస్టులు, ఎలక్ట్రోఫిజియాలజిస్టులు, వైద్యులు, ఆసుపత్రుల యాజమాన్య ప్రతినిధులు, హెల్త్‌కేర్ టెక్నాలజీ నిపుణులు, ఇతర సంబంధిత రంగాల ప్రతినిధులు హాజరుకానున్నారు.

ఈ కార్యక్రమంలో దీర్ఘకాలిక రిథమ్ మానిటరింగ్, రిమోట్ కార్డియాక్ కేర్, AI ఆధారిత ECG విశ్లేషణ వంటి అంశాలపై చర్చ జరగనుంది.

కార్డియాక్ అరిత్మియాస్, వాటి గుర్తింపు ,నిర్ధారణ, దీర్ఘకాలిక ECG మానిటరింగ్ ద్వారా కలిగే క్లినికల్ ప్రయోజనాలు, Kardi Aiను క్లినికల్ ప్రాక్టీస్‌లో ఉపయోగించే విధానం వంటి అంశాలపై క్లినికల్ సెషన్లు నిర్వహించనున్నారు. అనంతరం ప్యానెల్ డిస్కషన్ మరియు అధికారిక లాంచ్ కార్యక్రమం జరుగుతుంది.

ఈ పరికరం ఆవిష్కరణ సెప్టెంబర్ 26, 2026 న దసపల్లా హోటల్, జూబ్లీ హిల్స్, హైదరాబాద్ లో జరుగుతుంది

హృదయ ఆరోగ్యంలో దీర్ఘకాలిక మానిటరింగ్ ప్రాధాన్యత

కార్డియోవాస్క్యులర్ వ్యాధులకు ముందస్తు గుర్తింపు,నిరంతర పర్యవేక్షణ అవసరం పెరుగుతున్న నేపథ్యంలో, రిమోట్ మానిటరింగ్, డిజిటల్ హెల్త్ మరియు AI ఆధారిత క్లినికల్ డెసిషన్ సపోర్ట్ వైపు ఆరోగ్యరంగం వేగంగా అడుగులు వేస్తున్న సమయంలో Kardi Ai భారత మార్కెట్లోకి ప్రవేశిస్తోంది.

దీని ప్రధాన భావన సులభమైనదే:

అసాధారణ గుండె రిథమ్ అప్పుడప్పుడు మాత్రమే కనిపిస్తే, తక్కువ వ్యవధిలో తీసుకునే స్నాప్‌షాట్ కంటే ఎక్కువ కాలం చేసే పరిశీలన వైద్యులకు మరింత సమాచారం అందించగలదు.

“From Signal to Insight for Healthier Lives” అనే థీమ్‌తో జరగనున్న భారత లాంచ్, దీర్ఘకాలిక ECG మానిటరింగ్, రిమోట్ కార్డియాక్ కేర్ మరియు ఆర్టిఫిషియల్ ఇంటెలిజెన్స్ కలిసి భారతదేశంలో కార్డియోవాస్క్యులర్ హెల్త్‌కేర్ భవిష్యత్తుకు ఎలా దోహదపడగలవో చర్చించనుంది.

“కార్డియోవాస్క్యులర్ వ్యాధులు భారతదేశంలో మరణాలకు ప్రధాన కారణాల్లో ఒకటిగా కొనసాగుతున్న నేపథ్యంలో, గుండె సంబంధిత అసాధారణతలను ముందుగానే ర్తించడం, నిరంతరం పర్యవేక్షించడం మరింత ముఖ్యమైన ఆరోగ్య ప్రాధాన్యతగా మారుతోంది. భారతదేశంలో సుమారు 220 మిలియన్ల మంది హైపర్‌టెన్షన్‌తో జీవిస్తున్నారని WHO అంచనా వేస్తోంది. హైపర్‌టెన్షన్ దేశంలోని ప్రధాన కార్డియోవాస్క్యులర్ రిస్క్ ఫ్యాక్టర్లలో ఒకటి. వీరిలో సుమారు 12 శాతం మందికి మాత్రమే రక్తపోటు నియంత్రణలో ఉందని అంచనా,” అని వారు తెలిపారు.

“ఈ నేపథ్యంలో Kardi Ai AI ఆధారిత దీర్ఘకాలిక ECG మానిటరింగ్ సిస్టమ్‌ను భారత్‌లో పరిచయం చేస్తోంది. గుండె రిథమ్‌లో అప్పుడప్పుడు మాత్రమే కనిపించే అసాధారణతలను గుర్తించడంలో, స్వల్ప వ్యవధి ECG లేదా సాంప్రదాయ 24 గంటల Holterలో గుర్తించబడకుండా మిగిలిపోయే పరిస్థితుల్లో, వైద్యులకు రోగి గుండె పనితీరును ఎక్కువ కాలం పరిశీలించే అవకాశం కల్పించడం దీని లక్ష్యం,” అని వారు పేర్కొన్నారు.