డయాబెటిస్, ఊబకాయం బాధితులకు ఊరట: సిప్లా నుంచి ‘యుర్పీక్’ ఇంజెక్షన్ విడుదల!

వారాహి మీడియా డాట్ కామ్ ఆన్ లైన్ న్యూస్,ముంబై,జనవరి 7 ,2026: దేశంలో పెరుగుతున్న ఊబకాయం (Obesity), టైప్-2 డయాబెటిస్ సమస్యలకు పరిష్కారంగా ప్రముఖ ఫార్మా దిగ్గజం సిప్లా లిమిటెడ్ వినూత్న చికిత్సను అందుబాటులోకి తెచ్చింది. ప్రపంచ ప్రఖ్యాత ఫార్మా సంస్థ ‘లిల్లీ’ (Lilly) భాగస్వామ్యంతో ‘యుర్పీక్’ (Yurpeak – Tirzepatide) అనే ఇంజెక్షన్‌ను భారత మార్కెట్లో విడుదల చేసినట్లు ప్రకటించింది.

ఈ చికిత్సలో భాగంగా రోగులు వారానికి ఒకసారి మాత్రమే ఇంజెక్షన్ తీసుకోవాల్సి ఉంటుంది. ఇది శరీరంలోని గ్లూకోజ్ స్థాయిలను నియంత్రించడమే కాకుండా, బరువు తగ్గించడంలోనూ అత్యంత సమర్థవంతంగా పనిచేస్తుందని సంస్థ తెలిపింది.

Read this also:Canon India Unveils Tungsten TotalAgility to Drive AI-Powered Enterprise Automation

ఇదీ చదవండి : సినిమా రివ్యూ:స:కుటుంబానాం..కొత్త ఏడాదిలో కుటుంబంతో కలిసి చూడదగ్గ ఎంటర్‌టైనర్ మూవీ..!

Read this also:Future of Work: Saba Adil’s 2026 Workplace Blueprint..

దీని వల్ల ప్రయోజనాలు..

రెండు రకాల ప్రయోజనాలు: ఇది శరీరంలోని GIP,GLP-1 అనే రెండు గ్రాహకాలపై పనిచేసే మొట్టమొదటి డ్యూయల్ అగోనిస్ట్ ఔషధం.

స్ట్రెంథ్స్: రోగుల అవసరాలకు అనుగుణంగా 2.5 మి.గ్రా నుంచి 15 మి.గ్రా వరకు మొత్తం ఆరు రకాల మోతాదుల్లో (6 Strengths) ఇది లభిస్తుంది.

క్విక్ పెన్ టెక్నాలజీ: సులభంగా, ఖచ్చితమైన మోతాదులో ఇంజెక్షన్ తీసుకునేందుకు వీలుగా దీనిని ‘క్విక్ పెన్’ (KwikPen) ఫార్మాట్‌లో రూపొందించారు.

వైద్యుల సలహా తప్పనిసరి
యుర్పీక్ అనేది కేవలం ప్రిస్క్రిప్షన్ ఆధారిత ఔషధం మాత్రమే. అంటే, అర్హత కలిగిన వైద్యుని సలహా ,పర్యవేక్షణలో మాత్రమే దీనిని వాడాల్సి ఉంటుంది. ఊబకాయం (BMI 30 పైబడిన వారు) లేదా అధిక బరువుతో పాటు ఇతర ఆరోగ్య సమస్యలు ఉన్నవారికి ఇది సూచించనుంది.

అందుబాటులోకి అత్యాధునిక చికిత్స
“భారతదేశంలో తీవ్ర ఆరోగ్య సవాళ్లుగా మారిన డయాబెటిస్, ఊబకాయంపై పోరాటంలో ‘యుర్పీక్’ విడుదల ఒక కీలక మలుపు” అని సిప్లా గ్లోబల్ చీఫ్ ఆపరేటింగ్ ఆఫీసర్ అచిన్ గుప్తా పేర్కొన్నారు. మెట్రో నగరాలతో పాటు దేశవ్యాప్తంగా అన్ని ప్రాంతాల్లోని రోగులకు ఈ ఔషధాన్ని అందుబాటులోకి తీసుకురావడమే తమ లక్ష్యమని ఆయన తెలిపారు.

రోగులకు అవగాహన కల్పించేందుకు ప్రత్యేక ‘పేషెంట్ ఎడ్యుకేషన్’ ప్రోగ్రామ్‌లను కూడా సిప్లా నిర్వహించనుంది. లిల్లీ సంస్థ ఈ ఔషధాన్ని తయారు చేసి సరఫరా చేస్తుంది. దీని ధర మార్కెట్లో అందుబాటులో ఉన్న ‘మౌంజారో’ (Mounjaro) తరహాలోనే ఉండనుంది.