FY25లో లెన్‌డెన్‌క్లబ్ గ్రూప్ రికార్డు లాభాలు – PAT 340% వృద్ధి, ఆదాయం ₹236 కోట్లు..

వారాహి మీడియా డాట్ కామ్ ఆన్ లైన్ న్యూస్, ముంబై, సెప్టెంబర్ 8, 2025:భారతదేశంలోని ప్రముఖ డిజిటల్ క్రెడిట్ ఎకోసిస్టమ్ ప్లేయర్ లెన్‌డెన్‌క్లబ్ గ్రూప్ 2024-25 ఆర్థిక సంవత్సరానికి సంబంధించిన తన ఆడిట్ చేసిన ఆర్థిక ఫలితాలను ప్రకటించింది. ఈ ఫలితాల్లో గ్రూప్ అత్యంత బలమైన లాభదాయకతను నమోదు చేసింది.

కంపెనీ పన్ను తర్వాత లాభం (PAT) ₹34 కోట్లుగా నమోదైంది. FY24లో కంపెనీ ₹14 కోట్ల నష్టాన్ని చవిచూసిన విషయాన్ని పరిగణనలోకి తీసుకుంటే, ఇది 340%కు పైగా వృద్ధి. అదే విధంగా, గ్రూప్ ఏకీకృత ఆదాయం ₹236 కోట్లుగా నమోదైంది. ఇది గత ఆర్థిక సంవత్సరం (FY24)లోని ₹185 కోట్లతో పోలిస్తే 28% వృద్ధి.

ఇక EBITDA కూడా గణనీయంగా పెరిగి ₹50 కోట్లకు చేరింది, ఇది గత ఏడాదితో పోలిస్తే 300%కు పైగా మెరుగుదల. నియంత్రణ సంబంధిత సవాళ్లు ఉన్నప్పటికీ, గ్రూప్ ఈ వృద్ధిని సాధించడం విశేషం.

వ్యాపార విభాగాల బలం

లెన్‌డెన్‌క్లబ్ గ్రూప్ P2P లెండింగ్, లోన్ సర్వీస్ ప్రొవైడర్ (LSP) కార్యకలాపాలు,టెక్నాలజీ సర్వీస్ ప్రొవైడర్ (TSP) రంగాల్లో వ్యూహాత్మకంగా విస్తరించింది. ప్రస్తుతం టెక్నాలజీ ప్లాట్‌ఫారమ్ వ్యాపారం మాత్రమే గ్రూప్ ఆదాయంలో 20% వాటానందిస్తోంది.

ఇప్పటి వరకు, ఈ ప్లాట్‌ఫారమ్ ద్వారా ₹16,000 కోట్లకు పైగా క్రెడిట్ పంపిణీలు జరిగాయి. రిజిస్టర్డ్ యూజర్ బేస్ 3 కోట్లకు పైగా ఉండటం విశేషం. దీని ద్వారా 1 కోటి మందికి పైగా భారతీయులపై సానుకూల ప్రభావం చూపినట్టు కంపెనీ పేర్కొంది.

మేనేజ్‌మెంట్ అభిప్రాయం

లెన్‌డెన్‌క్లబ్ గ్రూప్ సహవ్యవస్థాపకుడు,సీఈఓ భావిన్ పటేల్ మాట్లాడుతూ –
“FY25 మా కోసం ఒక మైలురాయి సంవత్సరం. నియంత్రణ మార్పుల వల్ల కొన్ని సవాళ్లు ఎదురైనా, లాభదాయకతను సాధించగలిగాం. మా కొత్త ఆపరేషన్లు మొత్తం నియంత్రణ మార్గదర్శకాల ప్రకారం సవ్యంగా నడుస్తున్నాయి. భవిష్యత్తులో డేటా ఆధారిత వ్యూహాలతో underserved సెగ్మెంట్లలో విస్తరణపై దృష్టి పెడతాం. అలాగే LSP, TSP రంగాల్లో మా ఆఫరింగ్‌లు గ్రూప్ స్థాయిలో గణనీయమైన విలువను అందిస్తాయి” అని తెలిపారు.

ఇది కూడా చదవండి…“అమేజాన్ గ్రేట్ ఇండియన్ ఫెస్టివల్ సెప్టెంబర్ 23న గ్రాండ్ స్టార్ట్”..

భవిష్యత్ దిశ

కంపెనీ, డేటా ఆధారిత అంతర్దృష్టులను వినియోగిస్తూ –

తగిన సేవలు అందని వర్గాలకు క్రెడిట్ ప్రాప్యతను విస్తరించడం,

కొత్త రుణ, పెట్టుబడి ఉత్పత్తులను అందించడం,

సంస్థలు, భాగస్వాములతో మరింత సహకారం పెంచడం
పట్ల దృష్టి పెట్టనుంది.

About Author