హైదరాబాద్‌లో అపోలో ఫార్మసీ1,000వ స్టార్ ను లాంచ్ చేసి ఉపాసన కొణిదెల..

వారాహి మీడియా డాట్ కామ్ ఆన్ లైన్ న్యూస్, హైదరాబాద్‌, మార్చి1,2026: తెలంగాణ వైద్య సేవల్లో మరో కీలక ఘట్టం ఆవిష్కృతమైంది. దేశంలోనే ప్రముఖ ఫార్మసీ నెట్‌వర్క్ ‘అపోలో ఫార్మసీ’ రాష్ట్రంలో 1,000 స్టోర్ల మైలురాయిని విజయవంతంగా పూర్తి చేసుకుంది.

హైదరాబాద్‌లో ఏర్పాటు చేసిన ఈ చారిత్రక 1,000వ కేంద్రాన్ని అపోలో హాస్పిటల్స్ సీఎస్ఆర్ వైస్ చైర్‌పర్సన్ ఉపాసన కామినేని కొణిదెల ఘనంగా ప్రారంభించారు. ప్రస్తుతం రాష్ట్రంలోని మొత్తం 33 జిల్లాల్లో అపోలో తన నెట్‌వర్క్‌ను పటిష్టం చేసుకుంది.

మహిళా సాధికారతకు బాటలు..

ఈ సందర్భంగా ఉపాసన మాట్లాడుతూ.. అపోలో ఫార్మసీ కేవలం మందుల విక్రయానికే పరిమితం కాకుండా, సామాజిక మార్పునకు చిహ్నంగా నిలుస్తోందని అన్నారు.

రాష్ట్రవ్యాప్తంగా 10 వేల మందికి పైగా ఉద్యోగ అవకాశాలు కల్పించాం. మహిళలకు నాయకత్వ బాధ్యతలు, ఆర్థిక స్వావలంబన కల్పించడమే లక్ష్యంగా పనిచేస్తున్నాం అని ఆమె అన్నారు.

24 గంటల పాటు పనిచేసే స్టోర్ల ద్వారా అత్యవసర సమయాల్లో ప్రాణరక్షక మందులను ప్రజలకు చేరువ చేస్తున్నాం. సాంకేతికతను జోడించి ‘అపోలో 24/7’ ప్లాట్‌ఫారమ్ ద్వారా రోగులకు వైద్య సలహాలు, డయాగ్నస్టిక్ పరీక్షలు, ఇన్సూరెన్స్ సేవలను ఇంటి వద్దకే అందిస్తున్నట్లు ఆమె పేర్కొన్నారు.

Read this also:Grand Launch of ‘Souq-e-Deccan’ Expo in Hyderabad..

Read this also:LIET and IIUM unite to enhance International Academic exchange and Research Excellence

ప్రస్తుతం అపోలో నెట్‌వర్క్ ద్వారా రోజూ 1.65 లక్షల ఆర్డర్లు డెలివరీ అవుతుండటం గమనార్హం.

భవిష్యత్ లక్ష్యాలు..

వచ్చే మూడేళ్లలో తెలంగాణలో మరో 200 కొత్త స్టోర్లను ప్రారంభించనున్నారు. 50 వేల రకాలకు పైగా ఔషధాలు, వెల్నెస్ ఉత్పత్తులు అందుబాటులో ఉంటాయి.

ప్రస్తుతం రాష్ట్రంలో 25 లక్షల మంది శాశ్వత వినియోగదారులు అపోలో సేవలను వినియోగించుకుంటున్నారు.
పట్టణ ప్రాంతాలతో పాటు సెమీ-అర్బన్ ప్రాంతాల్లోనూ హోమ్ డెలివరీ, వైద్య సేవలను మరింత వేగవంతం చేయనున్నారు.

About Author