వైకుంఠ ద్వార దర్శనం టికెట్ల విడుదల వాయిదా – టీటీడీ ప్రకటన

వారాహి మీడియా డాట్ కామ్ న్యూస్,తిరుమల, సెప్టెంబర్ 23, 2025: డిసెంబర్ 29, 30,31 తేదీలలో జరగనున్న వైకుంఠ ద్వార దర్శనానికి సంబంధించిన ప్రత్యేక ప్రవేశ దర్శనం (రూ.300) శ్రీవాణి బ్రేక్ దర్శన టిక్కెట్ల విడుదలను తిరుమల తిరుపతి దేవస్థానం (టీటీడీ) వాయిదా వేసింది. ఈ మేరకు టీటీడీ ఒక ప్రకటనను విడుదల చేసింది.

పరిపాలనాపరమైన కారణాల వల్ల ఈ టిక్కెట్లను తాత్కాలికంగా నిలిపివేస్తున్నట్లు టీటీడీ అధికారులు తెలిపారు. ఈ టిక్కెట్లను ఆన్‌లైన్‌లో ఎప్పుడు విడుదల చేస్తారనే విషయంపై స్పష్టమైన సమాచారం ఇవ్వలేదు.

టిక్కెట్ల విడుదలకు సంబంధించిన సవరించిన షెడ్యూల్‌ను త్వరలో టీటీడీ అధికారిక వెబ్‌సైట్ ద్వారా, ఇతర మాధ్యమాల ద్వారా తెలియజేస్తుందని అధికారులు స్పష్టం చేశారు. భక్తులు ఈ విషయాన్ని గమనించి, తదనుగుణంగా తమ ప్రయాణ ఏర్పాట్లను చేసుకోవాలని టీటీడీ కోరింది.

ఈ నిర్ణయం భక్తులలో కొంత నిరాశకు గురిచేసినప్పటికీ, కొత్త తేదీలను త్వరలో ప్రకటిస్తామని టీటీడీ భరోసా ఇచ్చింది. భక్తులు టీటీడీ అధికారిక ప్రకటనలను మాత్రమే అనుసరించాలని సూచించింది.

About Author

varahimedia.com

See author's posts