స్టార్ హెల్త్ ఇన్సూరెన్స్ – భారత్‌లో అతిపెద్ద హోమ్ హెల్త్ కేర్ నెట్‌వర్క్ విస్తరణ

వారాహి మీడియా డాట్ కామ్ ఆన్ లైన్ న్యూస్,ఇండియా,మార్చి 1,2025: ప్రముఖ రిటైల్ హెల్త్ ఇన్సూరెన్స్ సంస్థ స్టార్ హెల్త్ అండ్ అలైడ్ ఇన్సూరెన్స్ కంపెనీ లిమిటెడ్ (స్టార్ హెల్త్ ఇన్సూరెన్స్) తన హోమ్ హెల్త్ కేర్ (హెచ్‌హెచ్‌సీ) సేవలను దేశవ్యాప్తంగా 100 ప్రాంతాలకు విస్తరించి, భారత్‌లోనే అతిపెద్ద హోమ్ హెల్త్ కేర్ ప్రొవైడర్‌గా మారింది.

2023 జులైలో ప్రారంభమైన ఈ కార్యక్రమం, ప్రస్తుతం 85% కస్టమర్లకు మూడు గంటల్లోపే క్యాష్‌లెస్ వైద్య సేవలను వారి ఇంటి వద్దనే అందిస్తోంది. ఆసుపత్రి ఖర్చుల భారం లేకుండా, అత్యవసర వైద్య సహాయాన్ని మరింత అందుబాటులోకి తీసుకురావడం లక్ష్యంగా ఈ విస్తరణ చేపట్టారు.

Read this also... Star Health Insurance Expands Home Health Care Network to 100 Locations Across India

Read this also...Godrej Enterprises Group’s Locks and Architectural Solutions Shines at India Design Mark Awards 2024

Read this also...TRISHULA SNANAM PERFORMED AT SRI KAPILESWARA SWAMY TEMPLE

ఇది కూడా చదవండి...సింహ వాహన సేవలో శ్రీ యోగ నరసింహ స్వామి అలంకారంలో శ్రీనివాసుడు

స్టార్ హెల్త్ ఇన్సూరెన్స్ ఎండీ & సీఈవో ఆనంద్ రాయ్ మాట్లాడుతూ, “హెల్త్ ఇన్సూరెన్స్ అనేది కేవలం ఆర్థిక భద్రతకు మాత్రమే పరిమితం కాకుండా, అందరికీ అందుబాటు ధరలో, సులభంగా ఆరోగ్య సంరక్షణను అందించాలనే లక్ష్యంతో పని చేయాలి.

అనవసర ఆసుపత్రి ఖర్చులు, ప్రయాణ సవాళ్లు, వైద్య చికిత్స పొందే ఒత్తిళ్లను తగ్గించి, రోగులకు నిశ్చింతన కలిగించేలా ఈ హోమ్ హెల్త్ కేర్ ప్రోగ్రామ్ రూపొందించాం. మారుతున్న కస్టమర్ అవసరాలను తీర్చేందుకు, ఆరోగ్య సేవలను మరింత సమర్థంగా అందించేందుకు మేము ఎల్లప్పుడూ కృషి చేస్తాం” అని తెలిపారు.

హెచ్‌హెచ్‌సీ ప్రోగ్రామ్‌లో భాగంగా, అంటువ్యాధుల నుంచి కోలుకుంటున్న రోగులకు ప్రాథమిక వైద్య సేవలు అందించబడతాయి. ఇందులో భాగంగా, అనుభవజ్ఞులైన వైద్యులు రోగి ఇంటికి వెళ్లి, వారి ఆరోగ్య పరిస్థితిని అంచనా వేస్తారు, అవసరమైన పరీక్షలు నిర్వహిస్తారు.

ఆసుపత్రిలో చేరాల్సిన అవసరం లేకపోతే ఇంటివద్దే చికిత్స అందిస్తారు. క్రమం తప్పకుండా ఫాలో-అప్ నిర్వహించి, అవసరమైతే ఆసుపత్రికి పంపించేందుకు సిఫార్సు చేస్తారు. ప్రస్తుతం, హోమ్ హెల్త్ కేర్ సేవలు పొందిన రోగుల్లో 1% కన్నా తక్కువ మంది మాత్రమే ఆసుపత్రిలో చేరాల్సిన అవసరం వచ్చింది.

Read this also..Mindspace Eco Run 2025: A Celebration of Fitness and Sustainability

Read this also..TRISHULA SNANAM PERFORMED AT SRI KAPILESWARA SWAMY TEMPLE

ఇది కూడా చదవండి...శ్రీకపిలేశ్వరస్వామివారి ఆలయంలో ఘనంగా త్రిశూలస్నానం

Read this also...TTD to Recruit Under Sports Quota – Annual Sports Competitions Begin

ముంబై, ఢిల్లీ, పుణేలాంటి మెట్రో నగరాల్లో ఈ సేవలు అత్యధికంగా వినియోగించబడుతున్నాయి. ముఖ్యంగా వైరల్ ఫీవర్, డెంగ్యూ, ఎంటెరిక్ ఫీవర్, తీవ్రమైన గ్యాస్ట్రోఎంటెరిటిస్, శ్వాసకోశ ఇన్ఫెక్షన్లకు ఈ సేవలు మరింత ప్రభావవంతంగా ఉపయోగపడుతున్నాయి. ఇప్పటి వరకు 15,000 మందికి పైగా రోగులు హోమ్ హెల్త్ కేర్ సేవల ద్వారా ప్రయోజనం పొందారు.

ఈ విస్తరణ Care24, Portea, Argala, Athulya, Apollo వంటి ప్రముఖ హెల్త్ కేర్ ప్రొవైడర్లతో భాగస్వామ్యంలో చేపట్టబడింది. ఈ భాగస్వామ్యాల ద్వారా మరింత మందికి అత్యుత్తమ వైద్య సేవలను అందించేందుకు ప్రయత్నిస్తున్నాము.