Montha: 'మోంథా' తుపాన్ లేటెస్ట్ అప్‌డేట్స్..!

వారాహి మీడియాడాట్ కామ్ ఆన్ లైన్ న్యూస్,హైదరాబాద్, అక్టోబర్ 29, 2025 : కాకినాడ సమీపంలో తీరం దాటే అవకాశం! కోస్తా జిల్లాలకు రెడ్ అలర్ట్.. బంగాళాఖాతంలో ఏర్పడిన ‘మోంథా’ తుపాను (Montha Cyclone) మరింతగా తీవ్రమై, కోస్తాంధ్ర దిశగా దూసుకువస్తోంది. వాతావరణ శాఖ (IMD) విడుదల చేసిన తాజా బులిటెన్ ప్రకారం, ‘మోంథా’ గమనం, తీరం దాటే సమయం గురించి మరిన్ని విషయాలు ఇప్పుడు తెలుసుకుందాం..

తుపాను ప్రస్తుత పరిస్థితి..

‘మోంథా’ తుపాను ప్రస్తుతం పశ్చిమ మధ్య బంగాళాఖాతంలో కేంద్రీకృతమై ఉంది. ఇది మంగళవారం రాత్రి నాటికి (లేదా 24 గంటల్లోపు) విశాఖపట్నంకు 460 కి.మీ., కాకినాడకు 410 కి.మీ. దూరంలో ఉన్నట్లు అంచనా.

తుఫాను గంటకు 13 కిలోమీటర్ల వేగంతో ఉత్తర వాయువ్య దిశగా కదులుతోంది. రాగల ఆరు గంటల్లో ఇది తీవ్ర తుపానుగా (Severe Cyclonic Storm) బలపడే అవకాశం ఉంది.

అంచనా..

తీరం దాటే ప్రాంతం: ‘మోంథా’ తుఫాను మంగళవారం సాయంత్రం లేదా రాత్రి వేళల్లో మచిలీపట్నం-కళింగపట్నం మధ్య, ముఖ్యంగా కాకినాడ సమీపంలో తీవ్ర తుపానుగా తీరం దాటే అవకాశం ఉందని వాతావరణ శాఖ నిపుణులు హెచ్చరించారు. తీరం దాటే సమయంలో గంటకు 90 నుంచి 110 కిలోమీటర్ల వేగంతో ఈదురు గాలులు వీచే అవకాశం ఉంది.

తీర ప్రాంతాలకు ముప్పు, హెచ్చరికలు..

అత్యంత భారీ వర్షాలు: తుపాను ప్రభావంతో కోస్తా జిల్లాల్లోని పలు ప్రాంతాల్లో ఇప్పటికే భారీ వర్షాలు మొదలయ్యాయి. రాగల 24 గంటల్లో రాష్ట్రానికి ఫ్లాష్ ఫ్లడ్ (ఆకస్మిక వరదల) ముప్పు పొంచి ఉంది. ముఖ్యంగా ఉమ్మడి విశాఖపట్నం, కాకినాడ జిల్లాలతో పాటు ఎనిమిది జిల్లాలకు రెడ్ అలర్ట్ జారీ చేశారు.

తీరంలో సముద్రం ఉగ్రరూపం దాల్చింది. కాకినాడ వద్ద అలలు మీటరు ఎత్తున ఎగసిపడుతున్నాయి. మత్స్యకారులు వేటకు వెళ్లకూడదని అధికారులు తీవ్రంగా హెచ్చరించారు.

తుపాను కారణంగా పలు రైళ్లు, విమాన సర్వీసులను రద్దు చేశారు లేదా దారి మళ్లించారు. అత్యవసరమైతే తప్ప ప్రయాణాలు మానుకోవాలని దక్షిణ మధ్య రైల్వే సూచించింది.

ఐఎంసీ 2025లో ‘అందరికీ ఏఐ’ దృష్టితో సామ్‌సంగ్ భారత ఏఐ విప్లవానికి నాయకత్వం..

ప్రభుత్వ చర్యలు.. ప్రభుత్వం అప్రమత్తమై, అధికారుల సెలవులను రద్దు చేసింది. సహాయక చర్యల కోసం నిధులు విడుదల చేసి, NDRF, SDRF బృందాలను ప్రమాదకర ప్రాంతాలకు తరలించారు. ప్రజలు అప్రమత్తంగా ఉండాలని, ప్రభుత్వానికి సహకరించాలని మంత్రులు కోరారు.

తుపానుపై ఎప్పటికప్పుడు తాజా సమాచారం తెలుసుకుంటూ, అధికారులు జారీ చేసే హెచ్చరికలను పాటించాలి.