40వ వార్షికోత్సవాలు జరుపుకోనున్న గీతాంజలి గ్రూప్ ఆఫ్ స్కూల్స్

వారాహి మీడియా డాట్ కామ్ ఆన్ లైన్ న్యూస్,హైదరాబాద్, డిసెంబర్ 12, 2024: హైదరాబాద్ నగరంలోని అత్యంత ప్రతిష్టాత్మక విద్యా సంస్థలలో ఒకటైన గీతాంజలి గ్రూప్ ఆఫ్ స్కూల్స్ తన 40వ వార్షికోత్సవాన్ని ఘనంగా జరుపుకోనుంది. ఈ సందర్భంగా నిర్వహించిన విలేఖరుల సమావేశంలో ఈ విషయాన్ని నిర్వాహకులు వెల్లడించారు. ఈ వేడుకలకు పాఠశాల పూర్వ విద్యార్థులందరినీ ఆహ్వానిస్తున్నట్లు తెలిపారు.

పూర్వ విద్యార్థుల సంఘం అధ్యక్షుడు కార్తీక్ రమణ, అత్యంత సీనియర్ పూర్వ విద్యార్థి, అలుమ్ని కమిటీ మాజీ అధ్యక్షుడు సుయోధన్ తదితరులు ఈ విలేఖరుల సమావేశంలో పాల్గొని, గీతాంజలి గ్రూప్ ఆఫ్ స్కూల్స్ వ్యవస్థాపకురాలు డాక్టర్ గీతా కరణ్‌ను పరిచయం చేశారు.

బేగంపేటలో కొద్దిమంది విద్యార్థులు, 3 తరగతులతో నిరాడంబరంగా ప్రారంభమైన ఈ సంస్థ విశేష చరిత్రను వివరిస్తూ డాక్టర్ గీతా కరణ్ స్ఫూర్తిదాయక ప్రసంగం చేశారు. దశాబ్దాలుగా, గీతాంజలి హైదరాబాద్ అంతటా ఆరు శాఖలు, దాదాపు 10,000 మంది అంతర్జాతీయ పూర్వ విద్యార్థుల సంఘంతో ఒక ప్రధాన విద్యా నెట్‌వ‌ర్క్ గా అభివృద్ధి చెందింది. ఆ

మె ఈ మైలురాయి ప్రాధాన్యాన్ని నొక్కి చెప్పారు. పాఠశాల విజయానికి సహకరించిన పూర్వ విద్యార్థులు, భాగస్వాములకు కృతజ్ఞతలు తెలిపారు.

గీతాంజలి గ్రూప్ ఆఫ్ స్కూల్స్ మేనేజింగ్ డైరెక్టర్ జై కరణ్ ప్రసంగిస్తూ, సంస్థ ప్రయాణాన్ని రూపొందించడంలో పూర్వ విద్యార్థుల కీలక పాత్రను నొక్కిచెప్పారు. పూర్వ విద్యార్థుల నిరంతర నిమగ్నత సమగ్ర విద్య, కమ్యూనిటీ బిల్డింగ్ క‌లిసి పాఠశాల లక్ష్యాన్ని ఎలా బలోపేతం చేస్తుందో ఆయన ఉద్వేగభరితంగా ప్ర‌స్తావించారు.

అనంతరం అసోసియేట్ డైరెక్టర్ మాధవి చంద్ర పూర్వ విద్యార్థుల కీలక కృషిని, పాఠశాల సమాజంపై వాటి శాశ్వత ప్రభావాన్ని వివరించారు. పూర్వ విద్యార్థులు ఈ సందర్భాన్ని తిరిగి కనెక్ట్ కావడానికి, సహకరించడానికి, సంస్థ వారసత్వానికి దోహదం చేయడానికి ఒక అవకాశంగా ఉపయోగించుకోవాలని ఆమె ప్రోత్సహించారు.

ఈ కార్యక్రమంలో కీలక ఘట్టంగా, డాక్టర్ గీతా కరణ్ తో కలిసి సుయోధన్ పూర్వ విద్యార్థుల పోస్టర్ ను ఆవిష్కరించారు, ఈ ఉత్సవాలలో పాల్గొనడానికి, ప్ర‌త్యేక పూర్వ విద్యార్థుల పోర్టల్ ద్వారా పాల్గొనడానికి ప్రపంచవ్యాప్తంగా ఉన్న పూర్వ విద్యార్థులను అధికారిక ఆహ్వానానికి చిహ్నంగా పేర్కొన్నారు.

సుయోధన్ మాట్లాడుతూ, పాఠశాల గొప్ప చరిత్ర, బ‌య‌టి నుంచి ఎవ‌రి మద్దతు లేకుండా దాని ఎదుగుదల, శ్రీ నిశ్చల్ నారాయణన్, శ్రీ అనూప్ యమతో సహా అనేక ఇతర ప్రముఖ పూర్వ విద్యార్థులను పెంపొందించడంలో దాని పాత్రను ప్ర‌స్తావించారు. అంతర్జాతీయ కార్పొరేట్ లాయర్ గా తన విజయానికి పాఠశాల, దాని నైతికత కారణమని ఆయన కొనియాడారు.

ప్రపంచవ్యాప్తంగా వివిధ ప్రొఫెషనల్ రంగాల్లో ఉన్న పూర్వ విద్యార్థులను అనుసంధానించడానికి రూపొందించిన ఈ పూర్వ విద్యార్థుల పోర్టల్… ఒక ముఖ్యమైన చొరవ. ఈ పోర్టల్ నెట్ వర్కింగ్, మెంటర్ షిప్, సహకారానికి వర్చువల్ మీటింగ్ పాయింట్ గా పనిచేస్తుంది.

పూర్వ విద్యార్థుల ప్రతినిధులు ఖుష్, తారిన్ పూర్వ విద్యార్థులకు హృదయపూర్వక ఆహ్వానం పంపి, ఈ స్మారక వేడుకలో పాల్గొనమని ప్రోత్సహించారు.

ప్రశ్నోత్తరాల సెషన్ తో కార్యక్రమం ముగిసింది. డాక్టర్ గీతా కరణ్ తన ప్రయాణం, హైద‌రాబాద్ ప‌బ్లిక్ స్కూల్లో ఉపాధ్యాయురాలిగా ఉన్నప్పుడు గీతాంజలిని ప్రారంభించడానికి ఆమెకు క‌లిగిన‌ ప్రేరణ, దశాబ్దాలుగా విద్యార్థుల వైఖరులు, స్వతంత్రత పరిణామంపై త‌న పరిశీలనల గురించి అడిగిన ప్రశ్నలకు సమాధానం ఇచ్చారు.

గీతాంజలి తన మూల విలువలను నిలుపుకొంటూనే ఆధునిక విద్య అవసరాలను తీర్చడానికి స్థిరంగా ఎలా మారిందనే దానిపై ఆమె త‌న ఆలోచ‌న‌ల‌ను పంచుకున్నారు.

ప్రపంచవ్యాప్తంగా ఉన్న గీతాంజలి పూర్వ విద్యార్థులు ఈ చారిత్రాత్మక సందర్భాన్ని స్మరించుకోవడంలో చేతులు కలపాలని, వారి ఆల్మా మేటర్ తో మమేకం కావాలని, శ్రేష్ఠత వారసత్వానికి దోహదం చేయాలని ఈ విలేఖ‌రుల స‌మావేశం పిలుపునిచ్చింది.

మరింత సమాచారం కోసం, వేడుకల కోసం నమోదు చేసుకోవడానికి, పూర్వ విద్యార్థులు గీతాంజలి పూర్వ విద్యార్థుల పోర్టల్‌ను సందర్శించాలని కోరారు.

About Author