వరంగల్ ఫుడ్ రిపోర్ట్ 2025: 4.46 లక్షల చికెన్ బిర్యానీలు.. బ్రేక్ ఫాస్ట్ లో ఇడ్లీదే హవా..!

వారాహి మీడియా డాట్ కామ్ ఆన్ లైన్ న్యూస్, వరంగల్,ఫిబ్రవరి 3,2026: ఓరుగల్లు వాసుల ఆహారపు అలవాట్లు ఎలా ఉన్నాయి? వారు దేనిని ఎక్కువగా ఇష్టపడుతున్నారు? అనే ఆసక్తికర విషయాలను ప్రముఖ ఫుడ్ డెలివరీ ప్లాట్‌ఫారమ్ స్విగ్గీ (Swiggy) తన ‘2025 వార్షిక నివేదిక’లో వెల్లడించింది. ఈ ఏడాది వరంగల్ నగరం బిర్యానీపై తనకున్న మక్కువను మరోసారి చాటుకుంది.

నగరంలో అత్యంత ప్రజాదరణ పొందిన వంటకంగా చికెన్ బిర్యానీ అగ్రస్థానంలో నిలిచింది.

రికార్డు స్థాయిలో: 2025లో ఏకంగా 4.46 లక్షల బిర్యానీ ఆర్డర్లు నమోదయ్యాయి.

అంటే సగటున రోజుకు 1,222 ప్లేట్ల కంటే ఎక్కువ బిర్యానీని వరంగల్ వాసులు ఆరగించారు.

ఇదీ చదవండి :మే 9న కామెడ్‌కె యుజిఇటి (COMEDK UGET) / యూని-గేజ్ 2026 పరీక్ష: నేటి నుంచే దరఖాస్తుల స్వీకరణ..

ఇదీ చదవండి :టెక్నాలజీ, కళల మేళవింపుతో కనువిందు చేసిన బ్లెండర్స్ ప్రైడ్ ఫ్యాషన్ టూర్ 2025..

అత్యధిక విలువైన సింగిల్ ఆర్డర్
నగరానికి చెందిన ఒక కస్టమర్ ఒకేసారి రూ. 13,778 విలువైన ఆహారాన్ని ఆర్డర్ చేసి రికార్డు సృష్టించారు. ఇందులో 37 ప్లేట్ల జఫ్రాని మటన్ బిర్యానీ, చికెన్ 65, చికెన్ టిక్కా మసాల వంటి వంటకాలు ఉన్నాయి.

బ్రేక్ ఫాస్ట్ నుంచి మిడ్ నైట్ వరకు..
ఉదయం వేళల్లో: టిఫిన్లలో ఇడ్లీ రారాజుగా నిలిచింది. ప్రతిరోజూ ఉదయం సగటున 200 ప్లేట్ల ఇడ్లీలు డెలివరీ అయ్యాయి. దోస, వడ, బోండా కూడా టాప్ 5లో ఉన్నాయి.

ఇదీ చదవండి :దేశంలోనే తొలి ‘PM E-DRIVE’ సర్టిఫైడ్ ఎలక్ట్రిక్ ట్రక్కును డెలివరీ చేసిన మాంట్రా ఎలక్ట్రిక్..

Read this also:MG Cyberster Crowned India’s Top-Selling Sports Car for 2025..

నైట్ లైఫ్: వరంగల్‌లో అర్థరాత్రి ఆకలి (Late Night Cravings) తీర్చుకునే వారి సంఖ్య ఏటా 118% పెరుగుతోంది. అర్ధరాత్రి 12 నుండి 2 గంటల మధ్య చికెన్ బిర్యానీ మరియు చికెన్ షావర్మ ఎక్కువగా ఆర్డర్ చేయబడ్డాయి.

స్వీట్స్: డిజర్ట్స్ విషయానికి వస్తే డార్క్ చాక్లెట్ ఐస్ క్రీమ్ అందరి ఫేవరెట్.

బడ్జెట్ ఫ్రెండ్లీగా ఉండే ’99 స్టోర్’ ఆర్డర్లలో కూడా చికెన్ బిర్యానీకే ప్రథమ స్థానం దక్కింది. రోజుకు సుమారు 159 ప్లేట్ల బిర్యానీలు ఈ కేటగిరీలో అమ్ముడయ్యాయి.

“వరంగల్ వాసులకు సంప్రదాయ రుచులతో పాటు జాతీయ స్థాయి వంటకాలపై ఉన్న మక్కువ మా నివేదికలో స్పష్టంగా కనిపిస్తోంది. ఆహారం అనేది ఒక భావోద్వేగం. నగరం నలుమూలలా నాణ్యమైన ఆహారాన్ని అందించడమే మా లక్ష్యం.”