హైదరాబాద్‌లో సెకండ్ హ్యాండ్ కార్లకు ఫుల్ డిమాండ్..

వారాహి మీడియా డాట్ కామ్ ఆన్ లైన్ న్యూస్,హైదరాబాద్,ఫిబ్రవరి 11,2026: భాగ్యనగరవాసులు పాత కార్ల కొనుగోలుపై అమితాసక్తి చూపుతున్నారు. నమ్మకం, పారదర్శకతతో కూడిన డిజిటల్ సేవలు అందుబాటులోకి రావడంతో సెకండ్ హ్యాండ్ కార్ల మార్కెట్ హైదరాబాద్‌లో సరికొత్త పుంతలు తొక్కుతోంది.

ప్రముఖ ఆటో-టెక్ ప్లాట్‌ఫామ్ కార్స్24 (CARS24) వెల్లడించిన గణాంకాల ప్రకారం.. 2026 ఆర్థిక సంవత్సరం తొలి అర్ధభాగంలో సంస్థ జరిపిన మొత్తం లావాదేవీల్లో తెలంగాణా వాటా 10 శాతంగా ఉంది. ఇందులో సింహభాగం హైదరాబాద్ నగరం నుండే కావడం విశేషం.

హైదరాబాద్ మార్కెట్‌లో వినియోగదారులు ఎక్కువగా కాంపాక్ట్ ఎస్‌యూవీలు, హ్యాచ్‌బ్యాక్ మోడళ్లపై మొగ్గు చూపుతున్నారు.

టాప్ మోడల్స్: హైదరాబాద్‌లో అత్యధికంగా అమ్ముడవుతున్న కారుగా టాటా నెక్సాన్ (4.1%) నిలిచింది. దీని తర్వాత మారుతి బాలెనో (3.97%), స్విఫ్ట్ (2.43%) వరుస స్థానాల్లో ఉన్నాయి.

ఇంధనం: నగరంలో 87.6% మంది పెట్రోల్ కార్లనే ఇష్టపడుతుండగా, కేవలం 11.6% మంది మాత్రమే డీజిల్ వాహనాలను ఎంచుకుంటున్నారు.

ఫైనాన్స్, ఇన్సూరెన్స్ సేవలకూ ప్రాధాన్యత
కేవలం కార్ల కొనుగోలుకే పరిమితం కాకుండా, సంబంధిత సేవలకూ డిమాండ్ పెరుగుతోంది.

లోన్స్24: కార్స్24 ఫైనాన్సింగ్ విభాగం ద్వారా తెలంగాణాలో రుణాల పంపిణీ 38% వృద్ధి చెందింది. ఉద్యోగులు, చిన్న వ్యాపార యజమానులు సులభతరమైన డిజిటల్ రుణాల వైపు మళ్లుతున్నారు.

ఇదీ చదవండి..సుందరం ఫైనాన్స్ ‘సుందరం సర్కిల్’: కస్టమర్ల అనుబంధమే మా బలం..

Read this also:HDFC Balanced Advantage Fund Marks 32-Year Milestone with 18% CAGR..

యాజమాన్య సేవలు: బీమా, చలాన్ మేనేజ్‌మెంట్, వారంటీ వంటి సేవల విభాగంలో ఆదాయం ఏకంగా 19 రెట్లు పెరగడం గమనార్హం.

జాతీయ,అంతర్జాతీయ మార్కెట్లలో కార్స్24 పటిష్టమైన వృద్ధిని కనబరుస్తోంది.

ఇదీ చదవండి..హైదరాబాద్‌లో భారీగా విస్తరించిన యూబిఎస్ (UBS)గచ్చిబౌలిలో నూతన కార్యాలయం ప్రారంభం…

Read this also:UBS Strengthens India Footprint with Major Expansion in Hyderabad..

ఆదాయం: గత ఏడాదితో పోలిస్తే నికర ఆదాయం 18% పెరిగి రూ. 651 కోట్లకు చేరింది.

టెక్నాలజీ: ఏఐ (AI) ఆధారిత సేవల కోసం కంపెనీ రూ. 95 కోట్లు పెట్టుబడి పెట్టింది. దీనివల్ల తనిఖీ సమయం 30% తగ్గింది.

విశ్వసనీయత: కస్టమర్ల నమ్మకాన్ని పెంచేందుకు రిటైల్ కార్లపై 30 రోజుల రిటర్న్ పాలసీ, జీవితకాల వారంటీ వంటి వినూత్న పథకాలను సంస్థ అమలు చేస్తోంది.

ఈ సందర్భంగా కార్స్24 సిఎఫ్ఓ శివాన్షు మక్కర్ మాట్లాడుతూ.. “తెలంగాణ వంటి మార్కెట్లు డిజిటల్ కార్ యాజమాన్యాన్ని వేగంగా స్వీకరిస్తున్నాయి. మెరుగైన ఉత్పత్తులు, ఫైనాన్సింగ్ సేవలతో వినియోగదారుల నమ్మకాన్ని గెలుచుకోవడమే మా లక్ష్యం” అని పేర్కొన్నారు. వచ్చే అర్ధభాగంలో ఆదాయం రూ. 750 కోట్లు దాటుతుందని సంస్థ ధీమా వ్యక్తం చేస్తోంది.