కార్డ్ చెల్లింపుల కోసం బయోమెట్రిక్ ఆథెంటికేషన్ను కలిసికట్టుగా ప్రవేశపెట్టిన ఫ్లిప్కార్ట్, యాక్సిస్ బ్యాంక్,పేయూ
వారాహి మీడియా డాట్ కామ్ ఆన్ లైన్ న్యూస్,నేషనల్ , ఏప్రిల్ 28, 2026:భారతదేశానికి చెందిన ఈ-కామర్స్ మార్కెట్ప్లేస్ ఫ్లిప్కార్ట్, దేశంలోని అతిపెద్ద ప్రైవేట్ రంగ బ్యాంకులలో ఒకటైన యాక్సిస్ బ్యాంక్,భారతదేశ ప్రముఖ విభిన్న ఫిన్టెక్ ప్లాట్ఫారమ్ అయిన పేయూ కలిసి కార్డ్ చెల్లింపుల కోసం బయోమెట్రిక్ ఆథెంటికేషన్ను ప్రారంభించినట్లు ప్రకటించాయి. వినియోగదారుని ప్రాధాన్యంగా ఉంచే తమ భాగస్వామ్య దృష్టిని కొనసాగిస్తూ, భారత వినియోగదారుల పట్ల తమ సమూహ నిబద్ధతను పునరుద్ఘాటిస్తూ, ఈ మూడు విశ్వసనీయ సంస్థలు ఈ కార్యక్రమం కోసం చేతులు కలిపాయి.
ఈ ఆవిష్కరణ ద్వారా, వినియోగదారులు సహాయక ఆండ్రాయిడ్మరియు ఐఓఎస్పరికరాల్లో తమ ఫింగర్ప్రింట్ లేదా ఫేస్ ఐడిఉపయోగించి లావాదేవీలను ధృవీకరించుకోవచ్చు, తద్వారా ఒకసారి ఉపయోగించే పాస్వర్డ్ (ఓటీపీ)అవసరం తొలగించబడుతుంది.ఈ సేవను ప్రారంభంగా యాక్సిస్ బ్యాంక్ కార్డ్ హోల్డర్లకు, ఇష్యూ చేసే సంస్థ స్థాయి బయోమెట్రిక్ ధృవీకరణ ద్వారా అందుబాటులోకి తెచ్చారు.ఈ ప్రారంభంతో, కార్డ్ చెల్లింపుల కోసం బయోమెట్రిక్ ఆథెంటికేషన్ను అందిస్తున్న ప్రధాన భారతీయ ఈ-కామర్స్ ప్లాట్ఫారమ్లలో ఫ్లిప్కార్ట్ ఒకటిగా నిలిచింది.
ఈ ఫీచర్ ద్వారా వినియోగదారులకు డివైస్ ఫింగర్ప్రింటింగ్,అధునాతన భద్రతా తనిఖీలతో మద్దతు పొందిన మరింత సురక్షితమైన ధృవీకరణ విధానం అందుబాటులోకి వస్తుంది. దీని వల్ల సిమ్-స్వాప్ లేదా ఓటీపీఎస్ఎఆధారిత మోసాల ప్రమాదం గణనీయంగా తగ్గుతుంది.
ఇది డిజిటల్ చెల్లింపుల్లో ఉన్న ముఖ్యమైన ఇబ్బందులను పరిష్కరిస్తూ, ఎస్ఎంఎస్ఆధారిత ఓటీపీలను భర్తీ చేసి, స్మార్ట్ఫోన్ వినియోగదారులకు ఇప్పటికే పరిచయమైన వేగవంతమైన మరింత భద్రమైన ధృవీకరణ పద్ధతిని అందిస్తుంది.ఈ భాగస్వామ్యంలో, పేయూ మర్చెంట్ వైపు అవసరమైన మౌలిక సదుపాయాలను నిర్వహిస్తుంది.
ఇందులో డివైస్ సెక్యూరిటీ మరియు ఆథెంటికేషన్ ప్రక్రియలు ఉంటాయి.అదేవిధంగా, యాక్సిస్ బ్యాంక్, పేయూ అనుబంధ సంస్థ అయిన విబ్మోను ఉపయోగించి ఇష్యూ చేసే బ్యాంక్ స్థాయిలో బయోమెట్రిక్ ధృవీకరణను అమలు చేస్తుంది.
Read this also..Flipkart, Axis Bank and PayU Introduce Biometric Authentication for Card Payments..
Read this also..‘Hyderabad’s Abi Sri Satyam Gunti Achieves World Record for Tallest 48-Foot Numerical Signage..
భారతదేశంలోని డిజిటల్ చెల్లింపుల మోసాల పెరుగుతున్న పరిస్థితిని బయోమెట్రిక్ ఆథెంటికేషన్ పరిష్కరించడానికి సహాయపడుతుంది. ఆర్.బి.ఐ-లింక్డ్ డేటా ప్రకారం, ఆర్థిక సంవత్సరం 2024లో మోసాల విలువ ఐదు రెట్లు పెరిగి ₹1,400 కోట్లకు మించి చేరింది.ఈ పరిస్థితికి ప్రతిస్పందనగా, భారతీయ రిజర్వ్ బ్యాంక్ (ఆర్.బి.ఐ.) ‘ఆథెంటికేషన్ మెకానిజన్మ్స్ ఫార్ డిజిటల్ పేమెంట్ ట్రాన్సాక్ష్జన్స్ డైరెక్షన్స్, 2025 పేమెంట్ లావాదేవీల కోసం ఆథెంటికేషన్ మెకానిజమ్స్ డైరెక్షన్స్, 2025’ అనే సర్క్యులర్ను జారీ చేసింది.
ఇందులో ఎస్.ఎం.ఎస్.ఆధారిత ఓటీపీల బదులుగా బయోమెట్రిక్ మరియు రిస్క్-బేస్డ్ ఆథెంటికేషన్ విధానాలను స్వీకరించేందుకు స్పష్టంగా ప్రోత్సహించింది.ఈ నియంత్రణ దృష్టితో వ్యూహాత్మకంగా అనుసంధానమై, ఫ్లిప్కార్ట్–పేయూ–యాక్సిస్ బ్యాంక్ భాగస్వామ్యం భద్రతను పెంపొందిస్తుంది, లావాదేవీల విజయ శాతాన్ని మెరుగుపరుస్తుంది.మరింత స్థిరమైన చెల్లింపు వ్యవస్థను రూపొందిస్తుంది. అలాగే, ఇది డిజిటల్ ఆథెంటికేషన్ వ్యవస్థలను బలోపేతం చేయాలనే ఆర్.బి.ఐ.లక్ష్యాన్ని కూడా నెరవేర్చుతుంది.
ఆవిష్కరణ సందర్భంగా, ఫ్లిప్కార్ట్లో పేమెంట్స్ మరియు సూపర్కాయిన్స్ విభాగం వైస్ ప్రెసిడెంట్ గౌరవ్ అరోరామాట్లాడుతూ,“ఫ్లిప్కార్ట్లో మా ఆవిష్కరణల దృష్టికోణం బలమైన అనుగుణత (కంప్లయన్స్) , వినియోగదారుల విశ్వాసం చుట్టూ కేంద్రీకృతమై ఉంటుంది.
బయోమెట్రిక్ ఆథెంటికేషన్ ఫీచర్ను సమీకరించడం ద్వారా, డిజిటల్ మోసాల ప్రమాదాలు మరింత క్లిష్టతరం అవుతున్న ఈ సమయంలో, వినియోగదారుల చెల్లింపుల్లో భద్రతను నిర్మించాలనే మా నిబద్ధతను మేము ప్రతిబింబిస్తున్నాము.
Read this also..‘Prem Ki Leela’ From Krishnavataram Out: A Soulful Anthem Celebrating the Many Shades of Divine Love..
సురక్షితమైన బయోమెట్రిక్ ప్రమాణాలను ఉపయోగించడం ద్వారా, మేము సులభంగా అర్థమయ్యే, నిరంతరమైన చెల్లింపు అనుభవాన్ని అందిస్తున్నాము, అదే సమయంలో వినియోగదారుల రక్షణలో అత్యున్నత ప్రమాణాలను కూడా పాటిస్తున్నాము. డిజిటల్ వాణిజ్యం వేగంగా విస్తరిస్తున్న నేపథ్యంలో, వేగవంతమైన లావాదేవీలను సాధ్యం చేయడమే కాకుండా, కఠినమైన నియంత్రణ ప్రమాణాలు,మొత్తం ఎకోసిస్టమ్లో నమ్మకాన్ని బలోపేతం చేయడం మా ప్రధాన లక్ష్యంగా కొనసాగుతుంది”అని అన్నారు.
యాక్సిస్ బ్యాంక్లో కార్డ్స్, పేమెంట్స్ ,వెల్త్ మేనేజ్మెంట్ విభాగం ప్రెసిడెంట్ మరియుహెడ్ అర్ణికా దీక్షిత్ ఇలా అన్నారు,“యాక్సిస్ బ్యాంక్లో, ప్రతి డిజిటల్ టచ్పాయింట్లో విశ్వాసం మరియు భద్రతను బలోపేతం చేయడానికి మేము నిరంతరం కృషి చేస్తున్నాము. నేటి వినియోగదారులు డిజిటల్ చెల్లింపులు కేవలం సురక్షితంగానే కాకుండా సులభంగా, నిరంతరంగా ఉండాలని ఆశిస్తున్నారు.
బయోమెట్రిక్ ఆథెంటికేషన్ ఒకే టచ్తో సురక్షితమైన ఆమోద అనుభవాన్ని అందించడం ద్వారా ఆ అవసరాన్ని పూర్తిగా నెరవేర్చుతుంది.ఫ్లిప్కార్ట్ ,పేయూతో మా భాగస్వామ్యం ద్వారా మా కార్డ్ హోల్డర్లకు ఈ అధునాతన సామర్థ్యాన్ని అందించడం మాకు ఎంతో ఆనందంగా ఉంది.
ఈ ప్రారంభం, మా దీర్ఘకాలిక భాగస్వామ్య బలాన్ని,భద్రతతో పాటు వినియోగదారుల అనుభవంలో పరిశ్రమ ప్రమాణాలను మెరుగుపరచాలనే మా సంయుక్త నిబద్ధతను ప్రతిబింబిస్తుంది.డిజిటల్ వాణిజ్యం అభివృద్ధి చెందుతున్న కొద్దీ, చెల్లింపులను మరింత సులభంగా, బలంగా మరియు భవిష్యత్కు సిద్ధంగా మార్చే ఆవిష్కరణలను అందించడంపై మేము దృష్టి సారిస్తున్నాము.”
ఈ భాగస్వామ్యంపై వ్యాఖ్యానిస్తూ, పేయూ పేమెంట్స్ చీఫ్ బిజినెస్ ఆఫీసర్ హేమంగ్ దత్తాని ఇలా అన్నారు,“భారతదేశంలో డిజిటల్ వాణిజ్యం వేగంగా విస్తరిస్తున్న నేపథ్యంలో, భద్రతను తగ్గించకుండా చెల్లింపులను సులభతరం చేయడం అత్యంత కీలకం. పేయూలో, కార్డ్ చెల్లింపుల కోసం బయోమెట్రిక్ ఆథెంటికేషన్ అనుభవాన్ని అందించేందుకు ఫ్లిప్కార్ట్తో భాగస్వామ్యం చేయడం మాకు గర్వకారణం.
ఇది ఓటీపీఆధారిత ధృవీకరణ వల్ల దీర్ఘకాలంగా ఉన్న ఇబ్బందులను తొలగించడంలో సహాయపడుతుంది.బయోమెట్రిక్ ఆథెంటికేషన్ను అధునాతన భద్రతా నియంత్రణలతో కలిపి ఉపయోగించడం ద్వారా, ఈ భాగస్వామ్యం భారతీయ వినియోగదారుల కోసం వేగవంతమైన, మరింత సురక్షితమైన,నిరంతరమైన డిజిటల్ చెల్లింపు అనుభవాన్ని నిర్మించడంలో ఒక ముఖ్యమైన ముందడుగుగా నిలుస్తుంది.”
ఈ ప్రారంభం, ఓటీపీల నుండి దూరమై భారతదేశం మరింత సులభమైన చెల్లింపు విధానాల వైపు మారుతున్న దిశలో ఒక ముందడుగును సూచిస్తుంది. అదే సమయంలో, ఉన్నత స్థాయి అనుగుణత, నియంత్రణ ప్రమాణాలను కొనసాగిస్తూ వినియోగదారులకు మరింత సాఫీగా చెల్లింపులు చేసే అవకాశాన్ని అందిస్తుంది.
ఈ భాగస్వామ్యం ద్వారా ఫ్లిప్కార్ట్, యాక్సిస్ బ్యాంక్ ,పేయూ కలిసి, పరికరానికి అనుసంధానమైన బయోమెట్రిక్ కార్డ్ ఆథెంటికేషన్కు ఒక బలమైన నమూనాను ఏర్పాటు చేస్తున్నాయి. ఇది భారతదేశంలో తదుపరి తరం సురక్షిత డిజిటల్ లావాదేవీలకు మద్దతు ఇవ్వగల వ్యవస్థగా నిలుస్తుంది.
About Author
