వైరల్ జ్వరంతో ఇబ్బందిపడుతున్న పవన్ కళ్యాణ్

వారాహి మీడియా డాట్ కామ్ ఆన్ లైన్ న్యూస్, సెప్టెంబర్ 5, 2024 :రాష్ట్ర ఉప ముఖ్యమంత్రివర్యులు పవన్ కళ్యాణ్ వైరల్ జ్వరంతో, తీవ్ర దగ్గుతో బాధపడుతున్నారు. అస్వస్థత అయినప్పటికీ, గురువారం ఉదయం తన నివాసంలో పంచాయతీరాజ్ ,గ్రామీణాభివృద్ధి శాఖ కమిషనరేట్ అధికారులతో సమావేశమై, వరద పరిస్థితిపై సమీక్ష నిర్వహించారు.

ఈ సందర్భంగా, వరద నీరు తగ్గుతున్న ప్రాంతాల్లో పారిశుద్ధ్య పనులను వేగవంతం చేయాలని, సూపర్ క్లోరినేషన్ చేపట్టాలని ఆదేశించారు. అంటు వ్యాధులు ప్రబలే ప్రమాదం ఉన్నందున, దోమల బెడద తీవ్రతని నివారించేందుకు పారిశుద్ధ్య నిర్వహణను పకడ్బందీగా చేపట్టాలని సూచించారు.

స్వచ్ఛమైన తాగు నీరు సరఫరా చేయడం కోసం తగిన ఏర్పాట్లు చేసుకోవాలని, అందుకు సంబంధించిన విషయాలపై నిరంతర పర్యవేక్షణ చేయాలని దిశానిర్దేశం చేశారు. అనంతరం, ఏలేరు రిజర్వాయర్‌కు వరద ముప్పుపై ఎప్పటికప్పుడు వివరాలు తెలుసుకుంటున్నారు.

ప్రస్తుతం, ఉప ముఖ్యమంత్రివర్యులు వైద్యుల సూచనలు తీసుకుంటున్నారు. ఆయన కుటుంబ సభ్యులు కూడా వైరల్ జ్వరాలతో బాధపడుతున్నారు.

About Author

varahimedia.com

See author's posts