మంగళగిరిలోని క్యాంపు కార్యాలయం లోపవన్ కళ్యాణ్‌కు ఔట్ సోర్సింగ్ ఉద్యోగుల ధన్యవాదాలు

వారాహి మీడియా డాట్ కామ్ ఆన్ లైన్ న్యూస్, నవంబర్ 20,2024:“ఔట్ సోర్సింగ్ విధానంలో ఆప్కాస్ ద్వారా ఉద్యోగాల్లో చేరాము. మెడికల్ అండ్ హెల్త్, ఫ్యామిలీ వెల్ఫేర్ విభాగంలో 23 నెలలుగా విధులు నిర్వహిస్తున్నాము. విధుల్లో చేరినప్పటి నుంచి వేతనాలు పొందడం లేదు. అప్పులు చేసి కుటుంబాలు నెట్టుకుంటున్నాము.

మేము పని చేసిన కాలానికి జీతాలు అందించండి సార్. ఉద్యోగ భద్రత కల్పించండి” అంటూ గత నెలలో మంగళగిరిలోని ఉప ముఖ్యమంత్రి క్యాంపు కార్యాలయం వద్ద ఉప ముఖ్యమంత్రి పవన్ కళ్యాణ్ దృష్టికి తమ సమస్యను తీసుకువచ్చారు.

సమస్య పరిష్కరించాలని హామీ ఇచ్చిన పవన్ కళ్యాణ్ సంబంధిత శాఖ ఉన్న తాధికారులతో మాట్లాడి జీతం బకాయిల సమస్యను పరిష్కరించారు. ఈ మేరకు బుధవారం ప్రభుత్వం నుంచి ఉత్తర్వులు విడుదల కావడంతో మెడికల్ అండ్ హెల్త్, ఫ్యామిలీ వెల్ఫేర్ విభాగం ఔట్ సోర్సింగ్ ఉద్యోగులు ఆనందం వ్యక్తం చేశారు.

మంగళగిరి క్యాంపు కార్యాలయంలో పవన్ కళ్యాణ్ ని కలిసి వారు ధన్యవాదాలు తెలిపారు. గత రెండేళ్లుగా అపరిష్కృతంగా ఉన్న సమస్యను కేవలం నాలుగు వారాల్లో పరిష్కరించినందుకు వారు పవన్ కళ్యాణ్ కి సంతృప్తి వ్యక్తం చేశారు.

About Author

varahimedia.com

See author's posts