భారత ఎలక్ట్రిక్ వాహన రంగంలో MG విండ్సర్ ప్రభంజనం..
వారాహి మీడియా డాట్ కామ్ ఆన్ లైన్ న్యూస్,న్యూఢిల్లీ, జనవరి 6, 2026: భారత ఎలక్ట్రిక్ వాహన (EV) మార్కెట్లో JSW MG మోటార్ ఇండియా సరికొత్త చరిత్ర సృష్టించింది. ఆ సంస్థ ప్రతిష్టాత్మకంగా
వారాహి మీడియా డాట్ కామ్ ఆన్ లైన్ న్యూస్,న్యూఢిల్లీ, జనవరి 6, 2026: భారత ఎలక్ట్రిక్ వాహన (EV) మార్కెట్లో JSW MG మోటార్ ఇండియా సరికొత్త చరిత్ర సృష్టించింది. ఆ సంస్థ ప్రతిష్టాత్మకంగా రూపొందించిన ‘MG విండ్సర్’ 2025 క్యాలెండర్ సంవత్సరానికి గాను దేశంలోనే అత్యధికంగా అమ్ముడైన ఎలక్ట్రిక్ కారుగా నిలిచింది. ఒకే ఏడాదిలో 46,735 యూనిట్ల విక్రయాలు సాధించి, ఈ మైలురాయిని అందుకున్న తొలి కంపెనీగా MG మోటార్ నిలిచింది.
విక్రయాల్లో రికార్డుల వేట
గత ఏడాది పొడవునా MG విండ్సర్ తన జోరును కొనసాగించింది. నెలకు సగటున 4,000 యూనిట్ల విక్రయాలతో మార్కెట్ లీడర్గా ఎదిగింది. 2024తో పోలిస్తే 2025లో కంపెనీ ఎలక్ట్రిక్ వాహనాల విక్రయాలు ఏకంగా 111 శాతం వృద్ధి చెందడం విశేషం. కేవలం మెట్రో నగరాల్లోనే కాకుండా, చిన్న పట్టణాల్లో (Non-Metros) కూడా ఈ కారుకు విశేష ఆదరణ లభిస్తోంది.
Read this also:MG Windsor Emerges as India’s Top-Selling Electric Vehicle in 2025..
ఇదీ చదవండి : సినిమా రివ్యూ:స:కుటుంబానాం..కొత్త ఏడాదిలో కుటుంబంతో కలిసి చూడదగ్గ ఎంటర్టైనర్ మూవీ..!
ఇదీ చదవండి : గచ్చిబౌలి ఇండోర్ స్టేడియంలో ఘనంగా పల్లవి ఇంటర్నేషనల్ స్కూల్ 15వ వార్షిక క్రీడోత్సవం..
వినియోగదారులను కట్టిపడేసిన ఫీచర్లు
MG విండ్సర్ సక్సెస్ వెనుక దాని వినూత్న డిజైన్ మరియు సౌకర్యాలు ఉన్నాయి. ఇది సెడాన్ లాంటి విశాలతను, SUV లాంటి పటిష్టతను కలిపి ‘ఇంటెలిజెంట్ CUV’గా మార్కెట్లోకి వచ్చింది.
బిజినెస్ క్లాస్ కంఫర్ట్: ఇందులో ఉన్న ‘ఏరో లౌంజ్’ సీట్లు 135 డిగ్రీల వరకు వెనక్కి వాలి, ప్రయాణికులకు అత్యుత్తమ విశ్రాంతిని అందిస్తాయి.
టెక్నాలజీ: 15.6 అంగుళాల భారీ గ్రాండ్వ్యూ టచ్ డిస్ప్లే దీనికి ప్రత్యేక ఆకర్షణ.
రేంజ్: ఇది రెండు వేరియంట్లలో లభ్యమవుతోంది. 38 kWh బ్యాటరీ 332 కి.మీ రేంజ్ ఇస్తుండగా, 52.9 kWh ప్రో వేరియంట్ ఏకంగా 449 కి.మీ రేంజ్ అందిస్తుంది.
ఈ విజయంపై JSW MG మోటార్ ఇండియా ఎండీ అనురాగ్ మెహ్రోత్రా మాట్లాడుతూ.. “విండ్సర్ కేవలం ఒక కారు మాత్రమే కాదు, అదొక ఆధునిక అద్భుతం. ఎలక్ట్రిక్ వాహనాల పట్ల సందిగ్ధంలో ఉన్న వారిని కూడా ఈ కారు తనవైపు తిప్పుకుంది. 2025లో నంబర్-1గా నిలవడం గర్వంగా ఉంది, 2026లో మరిన్ని రికార్డులు సృష్టిస్తాం” అని ధీమా వ్యక్తం చేశారు.
తక్కువ ప్రారంభ ధర (BaaS మోడల్ కింద ₹9.99 లక్షలు*) ,తక్కువ నిర్వహణ ఖర్చు ఉండటంతో భారతీయ కుటుంబాలు MG విండ్సర్ వైపు మొగ్గు చూపుతున్నాయి. ఈ విజయంతో భారత ఈవీ విప్లవంలో MG మోటార్ తన స్థానాన్ని మరింత సుస్థిరం చేసుకుంది.
About Author
