గ్రామ స్థాయిలో విపత్తు నిర్వహణ బృందాల ఏర్పాటు: కేంద్ర హోంమంత్రి అమిత్ షా

వారాహి మీడియా డాట్ కామ్ ఆన్ లైన్ న్యూస్, జనవరి 20,2025: ‘విపత్తు నిర్వహణను గ్రామ స్థాయిలో కూడా చేపట్టాలి. ప్రతి పంచాయతీలో అత్యవసర సమయంలో వేగంగా స్పందించేందుకు విపత్తు నిర్వహణ బృందాలు అవసరం,’ అని కేంద్ర హోంమంత్రి అమిత్ షా పేర్కొన్నారు.

ఈ మాటలు సదా ఆచరణలో పెట్టాల్సినవి. ఆంధ్ర ప్రదేశ్ రాష్ట్ర పంచాయతీ రాజ్ శాఖ ఈ అంశంపై పటిష్ట కార్యాచరణతో ముందుకు వెళ్ళిపోతుంది.

ప్రతి పంచాయతీ పరిధిలో విపత్తు సమయంలో సత్వరం స్పందించి, ప్రజలను కాపాడే బృందాలను ఏర్పాటు చేస్తామని, వారికి జాతీయ విపత్తు నిర్వహణ సంస్థ (NDMA) ప్రతినిధుల ద్వారా శిక్షణ కూడా అందిస్తామని ఉప ముఖ్యమంత్రివర్యులు పవన్ కళ్యాణ్ తెలిపారు.

గన్నవరం నియోజక వర్గం కొండపావులూరులో ఏర్పడిన 10వ ఎన్డీఆర్ఎఫ్, ఎన్ఐడీఎం ప్రాంగణ ప్రారంభోత్సవ కార్యక్రమంలో కేంద్ర హోంమంత్రి అమిత్ షా, ముఖ్యమంత్రి నారా చంద్రబాబు నాయుడు, కేంద్ర పౌర విమానయాన శాఖ మంత్రి కింజారపు రామ్మోహన్ నాయుడు, కేంద్ర హోంశాఖ సహాయ మంత్రి బండి సంజయ్, కేంద్ర ఉక్కు శాఖ సహాయ మంత్రి భూపతిరాజు శ్రీనివాసవర్మ, రాష్ట్ర విద్యాశాఖ మంత్రి నారా లోకేష్, రాష్ట్ర హోం శాఖ మంత్రి శ్రీమతి వంగలపూడి అనిత తదితరులు పాల్గొన్నారు.

ఈ సందర్భంగా పవన్ కళ్యాణ్ అన్నారు, “ఆంధ్రప్రదేశ్ విభజన చట్టం ప్రకారం దక్షిణ భారతదేశంలోనే అతి పెద్ద జాతీయ విపత్తు నిర్వహణ సంస్థ ప్రాంగణాన్ని కేంద్రం ప్రారంభించినందుకు చాలా సంతోషంగా ఉంది.

ఆంధ్రప్రదేశ్‌కు అనుకోని విపత్తుల కారణంగా, ముఖ్యంగా తీర ప్రాంతంలో నివసించే మత్స్యకారుల జీవనాలు మరింత ప్రమాదంలో పడుతుంటాయి. అటువంటి విపత్తుల సమయంలో ఎన్డీఆర్ఎఫ్ బృందాలు త్వరితగతిన స్పందించి ప్రజలను కాపాడడంలో పెద్ద పాత్ర పోషిస్తాయి. దీనికి ప్రధాని నరేంద్ర మోదీ కి, కేంద్ర హోంశాఖ మంత్రి అమిత్ షాకి ప్రత్యేక ధన్యవాదాలు.”

జాతీయ విపత్తు నిర్వహణ సంస్థ సేవలు అమూల్యమైనవి

గతంలో జరిగిన కొన్ని గొప్ప విపత్తు పరిస్థితుల్లో, న్యాయబద్ధంగా స్పందించిన జాతీయ విపత్తు నిర్వహణ సంస్థ ప్రతిభను ప్రశంసించారు. విశాఖపట్నంలో ఎల్జీ పాలిమార్స్ ప్రమాదం, అచ్యుతాపురం సెజ్‌లో అమ్మోనియా గ్యాస్ లీకేజీ, విజయవాడలో వరదలు వంటి పరిస్థతులలో తమ ప్రాణాలను పణంగా పెట్టి ప్రజలను కాపాడిన విధానం అద్భుతమైనది. 18 ఏళ్ల కాలంలో 1,55,700 మందిని కాపాడిన ఈ సంస్థ సేవలు అమూల్యమైనవి.

వికసిత్ భారత్ లో విపత్తుల నిర్వహణ

2047 నాటికి భారతదేశం అభివృద్ధి చెందిన దేశంగా మారాలని ప్రభుత్వ సంకల్పంతో ముందుకు వెళ్ళే సమయానికీ, విపత్తుల నిర్వహణ కీలకమైనది. వాతావరణ మార్పులతో, మన దేశంలో వివిధ విపత్తులు ఎదురయ్యే అవకాశం ఉన్నందున, వీటి కోసం ముందుగానే అంచనా వేయించి, సరైన సన్నద్ధతలు తీసుకోవడం అత్యంత అవసరం.

విపత్తులు కేవలం ప్రకృతిసంబంధితమే కాక, మానవ చర్యల వలన కూడా సంభవించవచ్చు. గత ప్రభుత్వంలో విపత్తుల కారణంగా, రాష్ట్ర ప్రజల జీవితాలు అత్యంత కష్టకాలంలో తలపడినట్టు ఊహించవచ్చు. అలాంటి విపత్తుల నుంచి ప్రజలను కాపాడినందుకు ఎన్డీఏ ప్రభుత్వం గౌరవ ప్రధాని నరేంద్ర మోదీ, హోంశాఖ మంత్రి అమిత్ షా, ముఖ్యమంత్రి చంద్రబాబు నాయుడు ఒకే మనసుగా పని చేసి, రాష్ట్రాన్ని కాపాడారు.

“ఇప్పటి నుంచి రాష్ట్రానికి మంచి ప్రభుత్వంలో మంచి రోజులు రానున్నాయి,” అన్నారు పవన్ కళ్యాణ్.

About Author