రూ.50 వేల కోట్ల ఏయూఎం దాటిన ఏయూ బ్యాంక్ ‘వీల్స్’ బిజినెస్..

వారాహి మీడియా డాట్ కామ్ ఆన్ లైన్ న్యూస్,ముంబై, సెప్టెంబర్ 24, 2026: భారతదేశంలోనే అతిపెద్ద స్మాల్ ఫైనాన్స్ బ్యాంక్ అయిన, యూనివర్సల్ బ్యాంక్‌గా మారడానికి ఆర్బీఐ నుండి సూత్రప్రాయమైన ఆమోదం పొందిన ఏయూ స్మాల్ ఫైనాన్స్ బ్యాంక్, తన ప్రధాన వీల్స్ వ్యాపారం రూ. 50,000 కోట్ల అసెట్స్ అండర్ మేనేజ్‌మెంట్ మైలురాయిని దాటినట్లు ఇవాళ ప్రకటించింది.

ఇది కేవలం ఆర్థిక విజయం మాత్రమే కాదు, భారతదేశ మొబిలిటీ , ఎంట్రప్రెన్యూర్‌షిప్ ప్రయాణానికి దాదాపు మూడు దశాబ్దాలుగా మద్దతుకు నిదర్శనంగా నిలిచింది.

ఆగస్టు 2026 నాటికి ఈ వీల్స్ పోర్ట్‌ఫోలియో రూ.50 వేల కోట్ల ఏయూఎంను దాటడంతో ఈ విజయం నమోదయింది. ఈ ఫ్రాంచైజీ వివిధ వ్యాపార చక్రాలలో స్థిరమైన వృద్ధిని సాధించింది. 3 సంవత్సరాల సీఏజీఆర్ 26%, 5 సంవత్సరాల సీఏజీఆర్ 29% నమోదు చేసింది.

Read this also:AU SFB Wheels Business Hits Rs.50,000 Cr AUM..

ఇదీ చదవండి:‘మనంసైతం’ నుంచి మరో బృహత్తర కార్యక్రమం’సపర్య’ ప్రాజెక్ట్‌ను ప్రక‌టించిన కాదంబరి కిరణ్..

రాజస్థాన్‌లో స్వయం ఉపాధి పొందుతున్న పారిశ్రామికవేత్తలు, రవాణా ఆపరేటర్లకు మద్దతు ఇవ్వాలనే లక్ష్యంతో 1996లో ప్రారంభమైన ఈ ప్రయాణం, నేడు దేశవ్యాప్తంగా ప్రముఖ వెహికల్-ఫైనాన్స్ ఫ్రాంచైజీలలో ఒకటిగా ఎదిగింది.

Read this also:‘Manam Saitam’ founder and actor Kadambari Kiran Announces ‘Saparya’ Project..

ఇదీ చదవండి:7000mAh బ్యాటరీతో వన్‌ప్లస్ N6 లైట్ లాంచ్.. ధర, ఫీచర్లు ఇవే..!

గత మూడు దశాబ్దాలుగా, ఫ్రాంచైజీ రవాణా ఆపరేటర్లు, రైతులు, కాంట్రాక్టర్లు, ట్యాక్సీ యజమానులు, చిన్న వ్యాపారాలు , పారిశ్రామికవేత్తలకు ఉత్పాదక ఆస్తులను సమకూర్చుకోవడానికి అండగా నిలిచింది. కొత్త, పాత వాహనాల ఫైనాన్సింగ్ రెండింటిలోనూ ఏయూ లోతైన నైపుణ్యాన్ని సంపాదించుకుంది.

నేడు ఈ వీల్స్ ఫ్రాంచైజీ కొత్త వాహనాల ఫైనాన్స్ కింద రూ.30,752 కోట్లు, పాత వాహనాల ఫైనాన్స్ కింద రూ.17,966 కోట్లు, టూ-వీలర్ ఫైనాన్స్ కింద రూ.1,767 కోట్లతో వైవిధ్యమైన పోర్ట్‌ఫోలియోను నిర్వహిస్తోంది. దేశవ్యాప్తంగా 3 వేలకు పైగా సర్వీస్ టచ్‌పాయింట్లతో ఇది విస్తృతమైన సేవలను అందిస్తోంది.

ఈ మైలురాయిపై ఏయూ ఎండీ & సీఈఓ సంజయ్ అగర్వాల్ స్పందిస్తూ, కష్టపడి పనిచేసే వ్యక్తులకు మద్దతు ఇవ్వాలనే నమ్మకంతో ప్రారంభమైన ఈ ప్రయాణం నేడు 13 లక్షలకు పైగా కస్టమర్ల నమ్మకాన్ని గెలుచుకుందని తెలిపారు.

భారతదేశం మౌలిక సదుపాయాలు, లాజిస్టిక్స్ రంగాలలో పెట్టుబడులు కొనసాగిస్తున్న తరుణంలో, బాధ్యతాయుతమైన లెండింగ్ ద్వారా కస్టమర్ల ఆకాంక్షలకు మద్దతు ఇస్తామని పేర్కొన్నారు. డిజిటల్ పరివర్తనలో భాగంగా లెండింగ్ ఆపరేషన్స్‌లో ఏఐ ఆధారిత సామర్థ్యాలను బ్యాంక్ అనుసంధానిస్తోంది.

యూనివర్సల్ బ్యాంక్‌గా మారే ప్రయాణంలో ఈ వీల్స్ ఫ్రాంచైజీ ప్రధాన వృద్ధి ఇంజిన్‌గా నిలుస్తుందని తెలిపారు.

About Author