జనవరి 23న ముగియనున్న తిరుమల అధ్యయనోత్సవాలు

వారాహి మీడియా డాట్ కామ్ ఆన్ లైన్ న్యూస్, జనవరి 22,2025: తిరుమల శ్రీ వేంకటేశ్వర స్వామివారి ఆలయంలో జరుగుతున్న అధ్యయనోత్సవాలు జనవరి 23వ తేదీన ముగియనున్నాయి. గత ఏడాది డిసెంబర్ 30న ప్రారంభమైన ఈ అధ్యయనోత్సవాలు మొత్తం 25 రోజులు కొనసాగుతాయి.

ఈ సందర్భంగా, స్వామివారి ప్రాశస్త్యంపై 12 మంది ఆళ్వార్లు రచించిన దివ్యప్రబంధ పాశురాలను శ్రీ వైష్ణవ జీయంగార్లు ప్రతి రోజు గోష్ఠిగానం ద్వారా స్వామివారికి నివేదిస్తున్నారు. 25 రోజుల కాలంలో, ఆళ్వార్ దివ్యప్రబంధంలోని 4 వేల పాశురాలను శ్రీవైష్ణవులు స్వామివారి ఆలయంలోని రంగనాయకుల మండపంలో పారాయణం చేస్తున్నారు.

అధ్యయనోత్సవాల్లో, మొదటి 11 రోజులను పగల్‌పత్తు అని, మిగిలిన 10 రోజులను రాపత్తు అని వ్యవహరిస్తారు. 22వ రోజు కణ్ణినున్ శిరుత్తాంబు, 23వ రోజు రామానుజ నూట్రందాది, 24వ రోజు శ్రీ వరాహస్వామివారి సాత్తుమొర, 25వ రోజు తణ్ణీరముదు ఉత్సవంతో ఈ అధ్యయనోత్సవాలు వైభవంగా ముగుస్తాయి.

About Author

varahimedia.com

See author's posts