రిలయన్స్ ఫౌండేషన్ అండర్‌గ్రాడ్యుయేట్ స్కాలర్‌షిప్‌లలో మెరిసిన తెలుగు రాష్ట్రాల విద్యార్థులు

వారాహి మీడియా డాట్ కామ్ ఆన్ లైన్ న్యూస్,హైదరాబాద్,డిసెంబర్ 28,2024: రిలయన్స్ ఫౌండేషన్ ప్రఖ్యాత అండర్‌గ్రాడ్యుయేట్ స్కాలర్‌షిప్‌లు 2024-25 బ్యాచ్‌కు సంబంధించిన ఫలితాలను ఈరోజు ప్రకటించింది. భారత యువతకు శక్తినిచ్చే దిశగా మరో ప్రాముఖ్యమైన మైలురాయిగా, ఈ స్కాలర్‌షిప్‌లు భారతదేశంలోని సుమారు ఒక లక్ష మంది దరఖాస్తుదారులలో 5,000 మంది ప్రతిభావంతులైన అండర్‌గ్రాడ్యుయేట్ విద్యార్థుల‌ను ఎంపిక చేయడం జరిగింది. ఈ ప్రోగ్రామ్ విద్యలో ఉత్తమతను పెంపొందించి, నాయకత్వానికి ప్రోత్సాహమిచ్చి, యువత భవిష్యత్తును తీర్చిదిద్దడమే లక్ష్యంగా కలిగి ఉంది.

ఈ కార్యక్రమం 2022లో రిలయన్స్ ఫౌండేషన్ 10 సంవత్సరాలలో 50,000 స్కాలర్‌షిప్‌లు ఇవ్వాలన్న ప్రతిజ్ఞలో భాగం. ఇది భారతదేశంలోనే అతిపెద్ద ప్రైవేటు స్కాలర్‌షిప్ కార్యక్రమంగా గుర్తింపు పొందింది. విద్యను సమాన అవకాశాలను అందించేందుకు మార్గంగా మార్చేందుకు రిలయన్స్ ఫౌండేషన్ నిబద్ధతను ఈ ప్రోగ్రామ్ నొక్కిచెబుతుంది.

స్కాలర్‌షిప్ ముఖ్యాంశాలు

• భారతదేశం నలుమూలల నుంచి వచ్చిన 5,000 మంది విద్యార్థుల ఎంపిక, విభిన్న పాఠ్యక్రమాలు, రంగాలకు చెందిన విద్యార్థులు ఉన్నారు.
• రూ. 2 లక్షల వరకు ఆర్థిక సహాయం, అందులో ట్యూషన్, హాస్టల్, ఇతర విద్యా ఖర్చులు వస్తాయి.
• 70% మంది ఎంపికైన విద్యార్థులు, వార్షిక ఆదాయం రూ. 2.5 లక్షల కంటే తక్కువ కలిగిన కుటుంబాలనుంచి రావడం విశేషం.
• క్యాపాసిటీ-బిల్డింగ్ ప్రోగ్రామ్, విద్యార్థుల వ్యక్తిత్వ, నాయకత్వ నైపుణ్యాలను మెరుగుపరచడంలో సహాయపడుతుంది.

ఈ సందర్భంగా రిలయన్స్ ఫౌండేషన్ ప్రతినిధి మాట్లాడుతూ: “ఈ అసాధారణమైన యువ మేధావులను గుర్తించి, వారికి మద్దతు ఇవ్వడం మాకు గర్వకారణం. రిలయన్స్ ఫౌండేషన్ అండర్‌గ్రాడ్యుయేట్ స్కాలర్‌షిప్‌ల ద్వారా, విద్యార్థులు తమ సామర్థ్యాన్ని ఉపయోగించి భారతదేశ అభివృద్ధి కథలో ప్రముఖ పాత్ర పోషించేందుకు ప్రోత్సహించాలనుకుంటున్నాం.

ఈ సంవత్సరం ఒక లక్ష దరఖాస్తులు రాగా, ఎంపికైన వారంతా దేశంలో అత్యుత్తమ ప్రతిభావంతులలో ఒకరిగా ఉన్నారు. విద్య అనేది అవకాశాలను అందించే మూలకధనం,ఈ విద్యార్థుల రూపాంతర యాత్రలో భాగం కావడం మాకు గౌరవంగా ఉంది.”

ఆంధ్రప్రదేశ్, తెలంగాణ రాష్ట్రాల విద్యార్ధులు తమ ప్రతిభతో 2024-25 బ్యాచ్‌లో భారతదేశంలోనే అగ్రస్థానంలో నిలిచారు. 850 మంది విద్యార్థులతో ఆంధ్రప్రదేశ్ దేశంలో 1వ స్థానంలో నిలవగా, 411 మంది విద్యార్థులతో తెలంగాణ 4వ స్థానం సాధించింది. రెండు తెలుగు రాష్ట్రాలలో మొత్తం 1,261 మంది అభ్యర్ధులు (25.22%) స్కాలర్‌షిప్ సాధించారు.

ఆర్థిక సహాయంతోపాటు, ఈ స్కాలర్‌షిప్‌లు విద్యార్థుల వ్యక్తిత్వాన్ని,నాయకత్వాన్ని సంపూర్ణంగా అభివృద్ధి చేసే అవకాశాలను అందిస్తాయి.

• మెంటరింగ్: పరిశ్రమ నిపుణుల నుండి విద్యా ,ప్రొఫెషనల్ అభివృద్ధి కోసం మార్గదర్శనం.
• వర్క్‌షాపులు,శిక్షణలు: సాంకేతిక మరియు సాఫ్ట్ స్కిల్స్ పెంపొందించడానికి.
• సేవా కార్యక్రమాలు: సామాజిక సేవలలో పాల్గొని సమాజానికి తిరిగి ఇవ్వడం.
  ఫలితాలు పొందే విధానం:

1. రిలయన్స్ ఫౌండేషన్ వెబ్‌సైట్‌లో ఫలితాల పేజీని
   https://scholarships.reliancefoundation.org/UGScholarship_ApplicationStatus.aspx సందర్శించండి.
2. మీ 17-అంకెల అప్లికేషన్ నంబర్ లేదా ఇమెయిల్ ఐడీ ఎంటర్ చేయండి.
3. ‘సబ్మిట్’ బటన్ పై క్లిక్ చేయండి.
   1996లో ప్రారంభమైన ధీరుభాయ్ అంబానీ స్కాలర్‌షిప్‌లు, 2020లో ప్రవేశపెట్టిన రిలయన్స్ ఫౌండేషన్ స్కాలర్‌షిప్‌లు, ఇప్పటివరకు 28,000 మంది యువతకు పైచేయి అందించాయి. 2022లో ధీరుభాయ్ అంబానీ గారి 90వ జయంతి సందర్భంగా, మిస్ నీతా అంబానీ గారు 10 సంవత్సరాలలో 50,000 స్కాలర్‌షిప్‌ల ఇవ్వడానికి ప్రతిజ్ఞ చేశారు. ఈ విద్యా కార్యక్రమం, యువత ప్రతిభను వెలికితీయడంలో వారిని అగ్రగాములుగా తీర్చిదిద్దడంలో కీలక పాత్ర పోషిస్తోంది.

About Author

varahimedia.com

See author's posts