హైదరాబాద్ - సౌత్ ఆస్ట్రేలియా మధ్య బలపడుతున్న భాగస్వామ్యం..

వారాహి మీడియా డాట్ కామ్ ఆన్ లైన్ న్యూస్, హైదరాబాద్‌, మార్చి 26,2025: సాంకేతికత, వ్యాపారం, విద్య రంగాల్లో హైదరాబాద్‌-సౌత్‌ ఆస్ట్రేలియా మధ్య బంధం మరింత బలపడుతోంది. సౌత్‌ ఆస్ట్రేలియా ప్రీమియర్‌ పీటర్‌ మాలినౌస్కాస్‌ (Peter Malinauskas) తన హైదరాబాద్‌ పర్యటనలో భాగంగా పలువురు టెక్నాలజీ రంగ ప్రముఖులతో సమావేశమయ్యారు. వీరిలో కొందరు సౌత్‌ ఆస్ట్రేలియా యూనివర్సిటీల పూర్వ విద్యార్థులు కాగా, మరికొందరు వాణిజ్య భాగస్వాములు.

ఈ పర్యటనలో భాగంగా స్టడీ అడిలైడ్‌ నిర్వహించిన కార్యక్రమంలో ప్రీమియర్‌ మాలినౌస్కాస్‌ కీలకోపన్యాసం అందించారు. ఈ సందర్భంగా సౌత్‌ ఆస్ట్రేలియా యూనివర్సిటీలతో భారత ప్రముఖ సంస్థల భాగస్వామ్యాలపై చర్చలు జరిగాయి.

Read this also…Hyderabad-South Australia Collaboration Strengthened During Premier’s Visit

ఇది కూడా చదవండి…ప్యూర్ సంస్థ నుంచి విప్లవాత్మక PuREPower ఉత్పత్తుల ఆవిష్కరణ..

Read this also…Laisha Utsav Celebrates Women’s Empowerment with Grandeur

ప్యానెల్‌ డిస్కషన్లో హైదరాబాద్‌ విశ్వవిద్యాలయం స్కూల్‌ ఆఫ్‌ మేనేజ్‌మెంట్‌ స్టడీస్‌ డీన్‌ ప్రొఫెసర్‌ జీవీఆర్‌కే ఆచార్యులు, ఒన్నెస్‌ క్రయోజెనిక్స్‌ (Onnes Cryogenics) వ్యవస్థాపకుడు డాక్టర్‌ రామ్‌ కె. ఆలూరు, రీసెర్చ్‌శాట్‌ వ్యవస్థాపకుడు రవితేజ దుగ్గినేని పాల్గొన్నారు.

ఇన్నోవేషన్‌ కేంద్రంగా హైదరాబాద్‌, అడిలైడ్‌

ఒన్నెస్‌ సంస్థ రాకెట్ల కోసం అధునాతన ఇంధన ట్యాంకులను అభివృద్ధి చేస్తోంది. రీసెర్చ్‌శాట్‌ అడిలైడ్‌లో ఆరంభమైన స్టార్టప్‌గా స్పేస్‌-టెక్‌ రంగంలో నూతన ప్రయోగాలు చేపడుతోంది. ఈ సంస్థలు సౌత్‌ ఆస్ట్రేలియా యూనివర్సిటీల సహకారంతో ప్రగతి సాధిస్తున్నాయి.

“సౌత్‌ ఆస్ట్రేలియా ఆరోగ్య, పునరుత్పాదక ఇంధనం, అంతరిక్ష పరిశోధనలు, వ్యవసాయం, కీలక సాంకేతిక రంగాల్లో అభివృద్ధి చెందుతోంది. ప్రపంచవ్యాప్తంగా ఉన్న విద్యార్థులు, పరిశ్రమలతో మాకు బలమైన సంబంధాలున్నాయి. ఇన్నోవేషన్‌ పరంగా హైదరాబాద్‌ ఎంతో ముందంజలో ఉంది” అని ప్రీమియర్‌ మాలినౌస్కాస్‌ తెలిపారు.

భారత విద్యార్థులకు అదనపు అవకాశాలు

“అడిలైడ్‌ భారత విద్యార్థులకు అత్యంత ఆదరణ పొందిన విద్యా కేంద్రంగా మారుతోంది. స్టడీ అడిలైడ్‌ ద్వారా విద్యార్థులకు అన్ని రంగాల్లో మద్దతు అందిస్తున్నాం. గత రెండేళ్లలో 400 మంది భారత విద్యార్థులు మా ఎంప్లాయ్‌మెంట్‌ ప్రోగ్రాంలలో పాల్గొన్నారు.

తాజాగా, ‘ఎంప్లాయ్‌మెంట్‌ కనెక్ట్‌’ పేరిట ఉద్యోగావకాశాలను మెరుగుపరిచే నూతన కార్యక్రమాన్ని ప్రారంభించాం” అని స్టడీ అడిలైడ్‌ చీఫ్‌ ఎగ్జిక్యూటివ్‌ జేన్‌ జాన్‌స్టన్‌ తెలిపారు.

ఇది కూడా చదవండి..ఘనంగా లైషా ఉత్సవ్ – మహిళా శక్తికి గౌరవ వేదిక

ఇది కూడా చదవండి..ఆన్‌లైన్ యాడ్స్‌పై డిజిటల్ పన్ను రద్దు – ఏప్రిల్ 1 నుంచి అమల్లోకి!

సౌత్‌ ఆస్ట్రేలియా యూనివర్సిటీల్లో AI, డేటా సైన్స్‌, సైబర్‌ సెక్యూరిటీ, రెన్యూవబుల్‌ ఎనర్జీ వంటి రంగాల్లో ప్రోగ్రాములు అందుబాటులో ఉన్నాయి. 2026 నాటికి అడిలైడ్‌ యూనివర్సిటీ ఆవిర్భవించనుంది. ఈ పర్యటన అనంతరం సౌత్‌ ఆస్ట్రేలియా ప్రతినిధుల బృందం ముంబైకి వెళ్లి పర్యటనను ముగించనుంది.