శ్రీవారి త్రైమాసిక మెట్లోత్సవం: ఫిబ్రవరి 11 నుంచి 13వ తేదీ వరకు తిరుమలలో నిర్వహణ

వారాహి మీడియా డాట్ కామ్ ఆన్ లైన్ న్యూస్,తిరుమ‌ల ఫిబ్రవరి 5,2025: టీటీడీ ఆధ్వర్యంలో శ్రీవారి త్రైమాసిక మెట్లోత్సవం ఫిబ్ర‌వరి 11 నుంచి 13వ తేదీ వరకు తిరుమ‌ల ఆస్థాన మండ‌పంలో ఘనంగా జరగనుంది. ఈ పర్వం సందర్భంగా అనేక భక్తి కార్యక్రమాలు, సాంస్కృతిక ప్రదర్శనలు నిర్వహించేందుకు ఏర్పాట్లు చేశాయి.

ఫిబ్ర‌వరి 11, 12 తేదీలలో భజన కార్యక్రమాలు: ఫిబ్ర‌వరి 11 , 12వ తేదీలలో మధ్యాహ్నం 1 నుంచి 4 గంటల వరకు భజన మండళ్లతో నామ సంకీర్తన, సామూహిక భజన, ధార్మిక సందేశాలు, మహనీయుల ఉపదేశాలు ప్రస్తావించారు. సాయంత్రం 6 నుంచి 8 గంటల వరకు సంగీత విభావరి ,సాంస్కృతిక కార్యక్రమాలు నిర్వహించనున్నారు.

ఫిబ్ర‌వరి 13న సామూహిక నామ సంకీర్తన: ఫిబ్ర‌వరి 13న ఉదయం 8.30 గంటలకు సామూహిక నామ సంకీర్తన ప్రారంభం అవుతుంది. ఉదయం 9.30 గంటలకు స్వామిజీలు ధార్మిక సందేశం ఇవ్వనున్నారు.

అలిపిరి పాదాల మండపంలో మెట్లపూజ: ఫిబ్ర‌వరి 12వ తేదీ ఉదయం 4.30 గంటలకు అలిపిరి పాదాల మండపంలో మెట్లపూజ నిర్వహించబడుతుంది. ఆ తరువాత వేల సంఖ్యలో భజన మండలి సభ్యులతో సాంప్రదాయ భజనలు చేస్తూ సప్తగిరీశుని చేరుకుంటారు.

భక్తిప్రపత్తి వలన పవిత్రమైన సప్తగిరీ ఎక్కడం: ఇందులో భాగంగా, గతంలో మహర్షులు, రాజర్షులు, శ్రీ పురందరదాసులు, శ్రీ వ్యాసరాజయతీశ్వరులు, అన్నమాచార్యులు, శ్రీకృష్ణదేవరాయలు వంటి మహనీయులు భక్తి ప్రపత్తితో వేంకటాద్రి పర్వతాన్ని ఎక్కి పర్వతాన్ని మరింత పవిత్రం చేశారు. వారిచే చేపడిన అడుగుజాడలను అనుసరిస్తూ భక్తులు ఈ కార్యక్రమంలో పాల్గొని సప్తగిరీశుని దర్శిస్తే వారికి సకల అరిష్టాలు తొలగి, సర్వాభీష్టాలు సిద్ధిస్తాయి.