దక్షిణ భారతదేశపు అతి పెద్ద టెన్నిస్ బాల్ క్రికెట్ పండుగ

వాహి మీడియా డాట్ కామ్ ఆన్ లైన్ న్యూస్, జూన్ 2,2025: దక్షిణ భారతదేశంలో అతి పెద్ద టెన్నిస్ బాల్ క్రికెట్ పండుగ అయిన సదర్న్ స్ట్రీట్ ప్రీమియర్ లీగ్ (SSPL) ఘనంగా ప్రారంభమైంది! స్ట్రీట్ హీరోల నుండి స్టేడియం సూపర్‌స్టార్ల వరకు ఎవరు ₹3 కోట్ల భారీ ప్రైజ్ మనీని గెలుచుకోబోతున్నారు?

SSPL దక్షిణ భారతదేశంలోని తమిళనాడు, కేరళ, కర్ణాటక, ఆంధ్రప్రదేశ్, తెలంగాణ, పుదుచ్చేరి, గోవా వంటి రాష్ట్రాల నుంచి అసలైన ప్రతిభను వెలికితీసే తొలి T10 టెన్నిస్ బాల్ క్రికెట్ టోర్నమెంట్‌గా రూపుదిద్దుకుంది.

ఈ ఆగస్టులో, ఉత్తమ 12 జట్లు దేశంలో ఇప్పటి వరకు ఎప్పుడూ లేని స్థాయిలో ₹3 కోట్ల భారీ ప్రైజ్ మనీ కోసం కుదిరి పోటీ పడనున్నాయి.

జూన్ 1, 2025న హైదరాబాద్,చెన్నైలో నిర్వహించిన అద్భుతమైన ప్రారంభ వేడుకలో SSPL చైర్మన్ నవాబ్‌జాదా మహ్మద్ ఆసిఫ్ అలీ, సెలబ్రిటీ ప్యాట్రన్ రవి మోహన్, CEO & డైరెక్టర్ ఎల్.టి. ఆనంద్ ముఖ్య అతిధులుగా పాల్గొన్నారు.

కార్యక్రమంలో ప్రముఖులు, వ్యాపార వేత్తలు, VIPలు హాజరయ్యారు. 5 అడుగుల ఎత్తైన అద్భుతమైన ట్రోఫీ ఆవిష్కరణ, అధికారిక SSPL లోగో,ఉత్సాహభరితమైన లీగ్ యాంతమ్ విడుదల ఈ కార్యక్రమానికి ప్రత్యేక ఆకర్షణగా నిలిచాయి.

భారతదేశంలో ప్రతీ చిన్న పిల్లవాడు క్రికెట్‌ను తన జీవితంలో ఒక భాగంగా భావిస్తాడు. చాలామంది తమ క్రికెట్ ప్రయాణాన్ని టెన్నిస్ బాల్ క్రికెట్‌తోనే ప్రారంభిస్తారు. భారతీయులకు క్రికెట్ కేవలం ఆట మాత్రమే కాదు, భాషలు, ప్రాంతాలు, సంస్కృతులన్నింటినీ ఒకచోటికి తీసుకువచ్చే ఓ మతం లాంటిది. వీధి క్రికెట్‌లోనే ధోనీ, విరాట్ కోహ్లీ వంటి మహానాయకులు ఎదిగారు. ఈ స్ఫూర్తిని ఆధారంగా తీసుకుని SSPL వీధి క్రికెట్‌కు ప్రొఫెషనల్ వేదికను అందిస్తోంది.