ఉత్పత్తి వ్యయం పెరిగింది – ధర సవరణకు అనుమతి కోరిన మద్యం సంస్థలు

వారాహి మీడియా డాట్ కామ్ ఆన్ లైన్ న్యూస్, హైదరాబాద్‌, మే 6,2025:మద్యం సరఫరా ధరల సవరణకు అనుమతి ఇవ్వాలని తెలంగాణ ప్రభుత్వాన్ని భారతీయ మద్యపానీయాల పరిశ్రమ సంఘం (CIABC) కోరింది. ఉత్పత్తి ఖర్చులు భారీగా పెరగడంతోపాటు, సాధారణ వార్షిక ధర సమీక్ష విధానం లేకపోవడం వల్ల పరిశ్రమ తీవ్ర ఆర్థిక ఒత్తిడిని ఎదుర్కొంటోందని పేర్కొంది.

సీఐఏబీసీ డైరెక్టర్ జనరల్ అనంత్ ఎస్. అయ్యర్ వెల్లడించగా, “గత సారి 2023 మేలో ధరలు సవరించారు. ఆ తరువాత ఎక్స్ట్రా న్యూట్రల్ ఆల్కహాల్ (ENA), మాల్ట్ స్పిరిట్, ప్యాకేజింగ్ సరఫరాలు, కూలీల ఖర్చు, రవాణా, ఇతర సేవల ధరలు గణనీయంగా పెరిగాయి. దీంతో వృద్ధి చెందుతున్న ద్రవ్యోల్బణానికి అనుగుణంగా ధరలు సవరించేందుకు WPI ఆధారిత ధర పెంపు ప్రతిపాదనను రాష్ట్ర ప్రభుత్వానికి సమర్పించాం” అని తెలిపారు.

ReadThis also…Godrej Properties Reports Record-Breaking FY25 with Highest Ever Bookings, Collections, and Deliveries

ReadThis also…CPA Australia Survey Highlights Strong Growth and Optimism in India’s Small Business Sector

ప్రస్తుతం మద్యం గరిష్ఠ రిటైల్ ధరలో (MRP) 70 శాతానికి పైగా ప్రభుత్వ పన్నులుగా వెళ్తుండగా, తయారీదారులకు కేవలం 12–15 శాతం, రిటైలర్లకు 15–18 శాతం మాత్రమే లాభంగా మిగులుతోందని ఆయన వివరించారు. “ప్రభుత్వ ఆదాయం పెరుగుతున్నా, ప్రతి ఏడాది ధరలను సమీక్షించకపోవడంతో వ్యయభారాన్ని తయారీదారులే భరిస్తున్నారు” అని అన్నారు.

ఇంకా, మద్యం పరిశ్రమ GST పరిధిలో లేకపోవడంతో ఇన్‌పుట్ ట్యాక్స్ క్రెడిట్ (ITC) లభించక, ఉత్పత్తి వ్యయం అదనంగా 3–5 శాతం పెరుగుతోందన్నారు. ఇండియన్ మేడ్ ఫారిన్ లిక్కర్ (IMFL) విభాగానికి రూ.100–200, వైన్ ఉత్పత్తులకు కనీసం 5 శాతం ధర పెంపు అవసరమని ఆయన స్పష్టం చేశారు. ఇది 180 ఎంఎల్ బాటిల్‌కు రూ.2.50 నుంచి రూ.5 వరకే పెంపు అవుతుందన్నారు.

ReadThis also…Robinson Research Institute Secures $71 Million to Lead Advanced Technology Platform in Future Magnetic and Materials Technologies

ఇది కూడా చదవండి…విజయవాడలో అప్రిలియా టువోనో 457 విడుదల..

బీర్ పరిశ్రమకు ఇప్పటికే ధర పెంపు అనుమతి లభించినప్పటికీ, స్పిరిట్, వైన్ తయారీదారులకు మాత్రం మేలు జరగలేదని చెప్పారు. రాష్ట్ర ప్రభుత్వానికి కంపెనీలు ఇప్పటికీ చెల్లించాల్సిన రూ.2,800 కోట్ల బకాయిలు ఉండగా, వాటిపై వడ్డీ భారం రూ.400 కోట్ల వరకు చేరిందని సీఐఏబీసీ ఆందోళన వ్యక్తం చేసింది.

“ధరలు సవరించకుండా మళ్లీ పన్నులు పెడితే పరిశ్రమ ఆర్థికంగా తారుమారవుతుంది. వినియోగదారుల అవసరాలకు అనుగుణంగా మేము పనిచేస్తున్నాం. అయినా, పరిశ్రమ స్థిరతను కాపాడేందుకు ప్రభుత్వం తక్షణ జోక్యం చేసుకోవాల్సిన అవసరం ఉంది” అని అయ్యర్ విజ్ఞప్తి చేశారు.

About Author

varahimedia.com

See author's posts