కిస్ డే 2025: ముద్దు పెట్టుకోవడం వల్ల ఎనిమిది ప్రయోజనాలివే..

వారాహిమీడియా డాట్ కామ్ ఆన్ లైన్ న్యూస్,ఫిబ్రవరి 13,2025: ప్రేమను వ్యక్తపరిచే రోజుగా ప్రతి సంవత్సరం ఫిబ్రవరి 13న “కిస్ డే” జరుపుకుంటారు. ఈ రోజు, ప్రేమను పంచుకోవడం మాత్రమే కాకుండా, ముద్దు పెట్టుకోవడం కూడా మీ ఆరోగ్యానికి అనేక ప్రయోజనాలను తీసుకురావచ్చు.

ముద్దు పెట్టుకోవడం కేవలం ప్రేమ వ్యక్తీకరణ మాత్రమే కాక, మానసిక, శారీరక ఆరోగ్యానికి కూడా ఎంతో మేలు చేస్తుంది. ఒత్తిడి తగ్గించడం, రోగనిరోధక శక్తిని పెంచడం, గుండె ఆరోగ్యాన్ని మెరుగుపరచడం వంటి అనేక ప్రయోజనాలు ముద్దు ద్వారా లభిస్తాయి. అవేంటంటే..?

ఒత్తిడిని తగ్గించడంలో సహాయం: ముద్దు వల్ల ఆక్సిటోసిన్ హార్మోన్ స్థాయి పెరిగి, ఒత్తిడి తగ్గుతుంది. కార్టిసాల్ స్థాయి తగ్గుతుంది, ఇది మానసిక ఒత్తిడి తగ్గిస్తుంది.

రోగనిరోధక శక్తిని పెంచడం: ముద్దు వల్ల శరీరంలో కొత్త బ్యాక్టీరియా ప్రవేశించి, రోగనిరోధక శక్తిని బలోపేతం చేస్తుంది.

గుండె ఆరోగ్యానికి మంచిది: హృదయ స్పందన రేటు పెరిగి రక్త ప్రసరణ మెరుగుపడుతుంది, ఇది గుండె ఆరోగ్యానికి ఉపకరిస్తుంది. రక్తపోటును నియంత్రించడంలో కూడా సహాయపడుతుంది.

కేలరీలను బర్న్ చేయడం: ముద్దు వల్ల శరీరంలో 2-6 కేలరీలు బర్న్ అవుతాయి, ఇది బరువు తగ్గడంలో సహాయపడుతుంది.

మానసిక స్థితిని మెరుగుపరచడం: డోపమైన్ , సెరోటోనిన్ హార్మోన్ల స్థాయిల పెరుగుదల ద్వారా సంతోషం, ఉత్సాహం పెరుగుతుంది. ఇది డిప్రెషన్ ,ఆందోళన తగ్గించడంలో సహాయపడుతుంది.

ముఖం కండరాలకు వ్యాయామం: 30 ముఖ కండరాలు కదిలేలా ముద్దు పెట్టుకోవడం ముఖ చర్మాన్ని యవ్వనంగా ఉంచుతుంది. ముడతలు తగ్గిస్తుంది.

సంబంధాన్ని బలపరచడం: ముద్దు, భాగస్వామితో భావోద్వేగ సంబంధాన్ని బలపరుస్తుంది, నమ్మకం , ప్రేమను పెంచుతుంది.

నొప్పి నుంచి ఉపశమనం: ఎండార్ఫిన్ హార్మోన్ స్థాయి పెరిగి, సహజ నొప్పి నివారణగా పనిచేస్తుంది.

About Author