హైదరాబాద్‌లో ‘డెలివరీ డైరెక్ట్’ సేవలు షురూ: 15 నిమిషాల్లోనే పార్శిల్ పికప్..!

వారాహి మీడియా డాట్ కామ్ ఆన్ లైన్ న్యూస్,హైదరాబాద్, డిసెంబర్ 23,2025: దేశంలోని ప్రముఖ లాజిస్టిక్స్ సేవల సంస్థ ‘డెలివరీ’ (Delhivery), భాగ్యనగర వాసుల కోసం సరికొత్త సౌకర్యాన్ని అందుబాటులోకి తెచ్చింది. తన ‘డెలివరీ డైరెక్ట్’ (Delhivery Direct) మొబైల్ యాప్ ద్వారా నగరం లోపల వేగంగా పార్సిళ్లను పంపే ‘ఆన్-డిమాండ్ ఇంట్రాసిటీ’ షిప్పింగ్ సేవలను ప్రారంభించినట్లు సంస్థ నేడు ప్రకటించింది.

బుక్ చేసిన 15 నిమిషాల్లోనే ఇంటి వద్దకు..
ఈ సర్వీస్ ప్రధాన ఉద్దేశ్యం అత్యంత వేగంగా సేవలను అందించడం. వినియోగదారులు యాప్‌లో ఆర్డర్ బుక్ చేసిన కేవలం 15 నిమిషాల్లోపు కంపెనీ ప్రతినిధులు పార్శిల్ పికప్ కోసం వస్తారు. ఇది చిన్న వ్యాపారస్తులకు (SMEs), డైరెక్ట్-టు-కన్స్యూమర్ (D2C) బ్రాండ్‌లకు,అత్యవసరంగా వస్తువులను పంపాలనుకునే సామాన్యులకు ఎంతో ప్రయోజనకరంగా ఉంటుంది.

వాహనాల ఎంపిక: చిన్న పార్సిళ్ల కోసం టూ-వీలర్లు, పెద్ద మొత్తంలో వస్తువులు పంపడం కోసం త్రీ-వీలర్,ఫోర్-వీలర్ వాహనాలను ఎంచుకునే వెసులుబాటు ఉంది.

రియల్ టైమ్ ట్రాకింగ్: పంపిన పార్శిల్ ఎక్కడికి చేరుకుందో ఎప్పటికప్పుడు మొబైల్ యాప్‌లో లైవ్ ట్రాకింగ్ ద్వారా తెలుసుకోవచ్చు.

నగరమంతా విస్తరణ: హైదరాబాద్‌లోని నివాస ప్రాంతాలు ,వాణిజ్య కేంద్రాలను అనుసంధానిస్తూ ఈ నెట్‌వర్క్‌ను ఏర్పాటు చేశారు.

5 కీలక నగరాల్లో సేవలు
హైదరాబాద్‌తో కలిపి ప్రస్తుతం ఈ సేవలు ఢిల్లీ-NCR, బెంగళూరు, అహ్మదాబాద్ వంటి 5 ప్రధాన నగరాల్లో అందుబాటులో ఉన్నాయని డెలివరీ ఇంట్రాసిటీ బిజినెస్ హెడ్ నిఖిల్ విజ్ తెలిపారు. దేశవ్యాప్తంగా పెరుగుతున్న డిమాండ్‌కు అనుగుణంగా త్వరలో మరిన్ని నగరాలకు విస్తరిస్తామని ఆయన పేర్కొన్నారు.

వినియోగదారులు గూగుల్ ప్లే స్టోర్ లేదా ఆపిల్ యాప్ స్టోర్ నుండి ‘Delhivery Direct’ యాప్‌ను డౌన్‌లోడ్ చేసుకోవాలి. ఈ యాప్ ద్వారా నగరం లోపలే కాకుండా, దేశవ్యాప్తంగా ఉన్న 18,850 కంటే ఎక్కువ పిన్‌కోడ్‌లకు కూడా పార్సిళ్లను పంపవచ్చు.

About Author

varahimedia.com

See author's posts