కానిస్టేబుల్ మూవీ రివ్యూ & రేటింగ్.. !!!

వారాహి మీడియా డాట్ కామ్ ఆన్ లైన్ న్యూస్,అక్టోబర్ 11,2025: ఈ వారం థియేటర్లలోకి విడుదలైన సినిమాల్లో నటుడు వరుణ్ సందేశ్ హీరోగా నటించిన ‘కానిస్టేబుల్’ చిత్రం కూడా ఒకటి. క్రైమ్ ఇన్వెస్టిగేషన్ థ్రిల్లర్‌గా తెరకెక్కిన ఈ సినిమా ఎలా ఉంది? రివ్యూలో చూద్దాం.

కథ: మోకిలా మండలం, శంకరపల్లి అనే చిన్న గ్రామంలో ఆకస్మికంగా వరుసగా దారుణ హత్యలు జరుగుతుంటాయి. ఆడపిల్లలు, మగవాళ్లు అని తేడా లేకుండా ఈ హత్యలు పోలీసులకు పెద్ద సవాలుగా మారతాయి. ఈ ఊరి పోలీస్ స్టేషన్‌లో కానిస్టేబుల్‌గా ఉన్న కాశీ (వరుణ్ సందేశ్) ఈ హత్యలకు తన మేనకోడలు కీర్తి (నిత్యశ్రీ) కూడా బలిగౌతుంది.

దీంతో ఇన్వెస్టిగేషన్‌కు దిగిన కాశీ, తన అనుమానాల్లో ఉన్నవారిని కూడా ఎవరో చంపేస్తున్నారని తెలుస్తుంది. మరి ఈ హత్యలు చేస్తున్నవారు ఎవరు? ఎందుకు చేస్తున్నారు? కారణం ఏమిటి? చివరికి కాశీ వారిని పట్టుకున్నాడా? అనేది సినిమాలోని మెయిన్ కథ.

విశ్లేషణ: ఈ చిత్రంలోని మెయిన్ పాయింట్ కొత్తగా ఉంది. ఇటీవల వస్తున్న రొటీన్ మర్డర్ క్రైమ్ థ్రిల్లర్‌లకు కొంచెం భిన్నంగా ట్రై చేశారు. దానికి తగ్గట్టుగా సాగే కొన్ని సన్నివేశాలు కొత్తగా అనిపిస్తాయి. మర్డర్స్ మిస్టరీని మెయింటైన్ చేసిన సస్పెన్స్ ఫ్యాక్టర్ బాగుంది. అలాగే కొన్ని ట్విస్ట్‌లు బాగా పేలాయి.

హీరో వరుణ్ సందేశ్ చాలా కాలం తర్వాత ఓకే రేంజ్ పెర్ఫార్మెన్స్ ఇచ్చాడు. వరుణ్ సందేశ్ అనగానే లవ్ స్టోరీలు గుర్తుకు వస్తాయి కానీ, ఏ క్యారెక్టర్ అయినా చేయగలనని నిరూపించాడు. యాక్షన్ సీన్స్‌లో నాచురల్‌గా చేశాడు. హీరోయిన్ మధులిక సినిమాలో బాగుంది. వీరితో పాటు సెకండ్ హీరోయిన్ భవ్యశ్రీ సాలిడ్ పెర్ఫార్మెన్స్ చూపించింది. తన రోల్‌లోని అన్ని షేడ్‌లను చక్కగా ఎస్టాబ్లిష్ చేసి, పాత్రకు ప్రాణం పోసింది. తండ్రి రోల్‌లో దువ్వాసి మోహన్ మెప్పించాడు. దువ్వాసి కనిపించడం కొత్తగా అనిపించింది.

భారతీయ ధర్మం, సంస్కృతి… స్త్రీ ఔన్నత్యాన్ని చాటుతాయి

నిర్మాణ విలువలు బాగున్నాయి. నిర్మాత బలగం జగదీష్ ఎక్కడా రాజీపడకుండా, ఖర్చులకు వెనక్కాకుండా క్వాలిటీ సినిమాను రిచ్‌గా తెరకెక్కించాడు. సంగీతం సినిమాకు అదనపు ఆకర్షణగా నిలిచింది. సాంగ్స్, నేపథ్య సంగీతం రెండూ బాగున్నాయి. కెమెరా వర్క్ అద్భుతంగా ఉంది, ఎడిటింగ్ నీట్‌గా సాగింది.

దర్శకుడు ఆర్యన్ సుభాన్ ఎస్ కే తన వర్క్‌తో పూర్తిగా మెప్పించాడు. తీసుకున్న కథ, కథనం ప్రేక్షకులను అలరిస్తాయి. ఫస్ట్ హాఫ్‌లో కొన్ని మర్డర్ సీన్స్ బాగా రాసుకున్నాడు. సెకండ్ హాఫ్ ప్రీ-క్లైమాక్స్ ఊహించలేనంతగా ఉంది. మంచి సందేశంతో కూడిన లైన్‌తో ‘కానిస్టేబుల్’ను అద్భుతంగా తెరకెక్కించాడు.

మొత్తంగా చూస్తే, ‘కానిస్టేబుల్’ చిత్రంలో మెప్పించే అంశాలు ఎక్కువ. రివెంజ్ పాయింట్, దానిలోని ఎమోషన్ అర్థవంతంగా ఉంది. దాని చుట్టూ అల్లుకున్న కథనం ఇంప్రెసివ్‌గా ఉంది. దీంతో సినిమా పూర్తిగా ఆకట్టుకుంటుంది. ఫ్యామిలీ మొత్తం కలిసి చూడదగిన చిత్రం.

నటీనటులు: వరుణ్ సందేశ్, మధులిక వారణాసి, భవ్యశ్రీ, నిత్యశ్రీ, దువ్వాసి మోహన్ దర్శకుడు: ఆర్యన్ సుభాన్ ఎస్ కే నిర్మాత: బలగం జగదీష్ సంగీత దర్శకుడు: సుభాష్ ఆనంద్, గ్యాని సినిమాటోగ్రాఫర్: షైక్ హజారా ఎడిటర్: శ్రీవర

రేటింగ్: 3/5