కులం మత్తు.. చదువుతోనే విముక్తి! ఆసక్తి రేకెత్తిస్తోన్న ‘దండోరా’ ట్రైలర్.. డిసెంబర్ 25న ప్రపంచవ్యాప్త విడుదల..
వారాహి మీడియా డాట్ కామ్ ఆన్ లైన్ న్యూస్,హైదరాబాద్, డిసెంబర్ 20,2025: ‘కలర్ ఫొటో’, ‘బెదురులంక 2012’ వంటి వైవిధ్యమైన చిత్రాలను అందించిన లౌక్య ఎంటర్టైన్మెంట్స్ పతాకంపై రవీంద్ర బెనర్జీ ముప్పానేని నిర్మించిన తాజా చిత్రం ‘దండోరా’. మురళీకాంత్ దర్శకత్వంలో శివాజీ,
వారాహి మీడియా డాట్ కామ్ ఆన్ లైన్ న్యూస్,హైదరాబాద్, డిసెంబర్ 20,2025: ‘కలర్ ఫొటో’, ‘బెదురులంక 2012’ వంటి వైవిధ్యమైన చిత్రాలను అందించిన లౌక్య ఎంటర్టైన్మెంట్స్ పతాకంపై రవీంద్ర బెనర్జీ ముప్పానేని నిర్మించిన తాజా చిత్రం ‘దండోరా’. మురళీకాంత్ దర్శకత్వంలో శివాజీ, నవదీప్, నందు తదితరులు ప్రధాన పాత్రల్లో నటించిన ఈ సినిమా ట్రైలర్ను మేకర్స్ విడుదల చేశారు. సాంకేతికత ఎంత ఎదిగినా నేటికీ సమాజాన్ని పట్టిపీడిస్తున్న ‘కులం’ అనే సమస్యను కమర్షియల్ ఎలిమెంట్స్తో, హృద్యంగా ఈ చిత్రంలో ఆవిష్కరించారు.
ట్రైలర్ విశేషాలు: భావోద్వేగాల మేళవింపు
ట్రైలర్ ఆరంభంలోనే “మన చావు పుట్టకులన్నీ ఆ ఊరి బయట రాసిండ్రా ఆ దేవుడు” అనే డైలాగ్ గ్రామీణ ప్రాంతాల్లోని సామాజిక వివక్షను కళ్లకు కట్టినట్లు చూపించింది.
నవదీప్ మాస్ ఎనర్జీ: ఊర్లో అట్టడుగు వర్గాల నుంచి వచ్చి ప్రెసిడెంట్గా ఎన్నికైన యువకుడిగా నవదీప్ తన నటనతో ఆకట్టుకున్నారు. ట్రైలర్ చివరలో ఆయన వేసిన మాస్ స్టెప్స్, టైటిల్ ట్రాక్ అదిరిపోయాయి.
శివాజీ – బిందు మాధవి కెమిస్ట్రీ: శివాజీ పాత్రలోని సీరియస్ కోణంతో పాటు బిందు మాధవితో సాగే ప్రేమ, ఎమోషనల్ సీన్లు హృద్యంగా ఉన్నాయి.
ప్రధాన డైలాగ్స్: “చావు నుంచైనా తప్పించుకోవచ్చు కానీ.. కులం నుంచి తప్పించుకోలేం రా”, “మన బతుకులు మారాలంటే మనకు కావాల్సిందొక్కటి.. చదువు.. చదువు” వంటి సంభాషణలు సినిమాలోని లోతును తెలియజేస్తున్నాయి.
భారీ స్థాయిలో ప్రీ-రిలీజ్ బిజినెస్
సినిమాపై ఉన్న అంచనాల దృష్ట్యా విడుదలకు ముందే బిజినెస్ పూర్తయింది.
నైజాం: మైత్రీ మూవీస్
ఆంధ్రా, సీడెడ్, కర్ణాటక: ప్రైమ్ షో
ఓవర్సీస్: అథర్వణ భద్రకాళి పిక్చర్స్ (200+ థియేటర్లలో గ్రాండ్ రిలీజ్)
ఆడియో: టి-సిరీస్ (T-Series)
డిసెంబర్ 25న దండోరా మోగనుంది..
లవ్, ఎమోషన్, డ్రామా,సామాజిక సందేశంతో రూపొందిన ఈ చిత్రం క్రిస్మస్ కానుకగా డిసెంబర్ 25న ప్రపంచవ్యాప్తంగా విడుదల కానుంది. ఓవర్సీస్ ప్రేక్షకులకు ఒకరోజు ముందుగానే అంటే డిసెంబర్ 23నే ప్రీమియర్స్ పడనున్నాయి. చదువు ద్వారానే సామాజిక మార్పు సాధ్యమని చాటిచెప్పే ఈ చిత్రం ప్రేక్షకులను ఏ మేరకు మెప్పిస్తుందో చూడాలి.
About Author
