బీసీ కార్పొరేషన్ రుణాల దరఖాస్తు గడువు 12వ తేదీ వరకు పెంపు..

వారాహి మీడియా డాట్ కామ్ ఆన్ లైన్ న్యూస్,విజయవాడ,ఫిబ్రవరి 6,2025: బీసీ కార్పొరేషన్ల ద్వారా స్వయం ఉపాధి పథకాల రుణాలను అర్హులందరికీ అందజేయాలనే లక్ష్యంతో, దరఖాస్తుల గడువును ఈ నెల 12వ తేదీ వరకూ పెంచుతున్నట్లు రాష్ట్ర బీసీ, ఈడబ్ల్యూఎస్ సంక్షేమ, చేనేత ,జౌళి శాఖ మంత్రి ఎస్. సవిత వెల్లడించారు.

గడువు పొడిగింపును లబ్ధిదారుల నుంచి వస్తున్న వినతుల ప్రకారం ఈ నిర్ణయం తీసుకున్నట్లు మంత్రి తెలిపారు. ఆయన మాట్లాడుతూ, అన్ని యూనిట్లను గడువులోగా గ్రౌండింగ్ చేయాలని, అర్హులైన వారికి మాత్రమే ప్రాధాన్యమివ్వాలని స్పష్టం చేశారు.

“ప్రస్తుతం ప్రభుత్వం ద్వారా రుణాల మంజూరీ పెంచడమే కాక, ఆర్థిక సహాయం అందించిన పథకాలను సమర్థంగా వినియోగించుకునేలా చైతన్యం కలిగించి, యూనిట్లు సత్వరంగా గ్రౌండింగ్ అయ్యేలా చూడాలి” అని సవిత మంత్రి అన్నారు.

ఈ కార్యక్రమం నేపథ్యంలో గురువారం విజయవాడలోని గొల్లపూడి బీసీ భవన్‌లో రుణాల దరఖాస్తు, సద్వినియోగంపై అవగాహన సదస్సు నిర్వహించారు. ఈ సదస్సులో వివిధ బీసీ కార్పొరేషన్ల చైర్మన్లు, డైరెక్టర్లు పాల్గొని, సమగ్ర సమన్వయంతో కార్పొరేషన్ల కార్యకలాపాలను మెరుగుపరచాలని సూచనలు ఇచ్చారు.

2024-25 ఆర్థిక సంవత్సరంలో ఆర్థిక మద్దతును పెంచేందుకు బడ్జెట్‌లో బీసీ కార్పొరేషన్లకు మరింత నిధులు కేటాయించేందుకు కృషి చేస్తామన్నారు.

కుల, ఆదాయ ధ్రువీకరణ పత్రాల జారీకి ఆలస్యం కాకుండా, తహసీల్దార్లతో సమన్వయంగా పనులు చేపట్టాలని మంత్రి సూచించారు.

సమావేశంలో వివిధ కార్పొరేషన్ల చైర్మన్లు వీరంకి గురుమూర్తి, డూండీ రాకేశ్, నందం అబద్ధయ్య, సదాశివం, దేవేంద్రప్ప, కృష్ణంనాయుడు, చిలకలపూడి పాపారావు, సావిత్రి, పీవీజీ కుమార్, మళ్ల సురేంద్ర, కప్పట్రాల సుశీలమ్మ, పాలవలస యశస్వివి, నరిసింహ యాదవ్ తదితరులు పాల్గొన్నారు.