తెలంగాణపై రూ.3100 కోట్లు బకాయి – ధరలు పెంచాలని మద్యం పరిశ్రమ డిమాండ్
వారాహి మీడియా డాట్ కామ్ ఆన్ లైన్ న్యూస్,హైదరాబాద్, ఏప్రిల్ 15,2025:తెలంగాణ ప్రభుత్వానికి మద్యం సరఫరా చేసే సంస్థలు తీవ్ర ఆర్థిక ఒత్తిడికి గురవుతున్నాయి. రాష్ట్ర ప్రభుత్వంపై
వారాహి మీడియా డాట్ కామ్ ఆన్ లైన్ న్యూస్,హైదరాబాద్, ఏప్రిల్ 15,2025:తెలంగాణ ప్రభుత్వానికి మద్యం సరఫరా చేసే సంస్థలు తీవ్ర ఆర్థిక ఒత్తిడికి గురవుతున్నాయి. రాష్ట్ర ప్రభుత్వంపై రూ.3100 కోట్లకు పైగా బకాయిలు పెండింగ్‌లో ఉండటంతో, పనికొచ్చే పెట్టుబడులు (వర్కింగ్ క్యాపిటల్) సమకూర్చుకోవడం సంస్థలకు పెద్ద సవాల్‌గా మారింది. దీంతో ద్రవ్యోల్బణంతో పెరిగిన ఉత్పత్తి వ్యయాన్ని తట్టుకోడానికి ధరలు పెంచే అవకాశం ఇవ్వాలని ప్రభుత్వాన్ని ఈ పరిశ్రమలు కోరుతున్నాయి.
ఈ మేరకు ముఖ్యమంత్రి రేవంత్ రెడ్డి, ఎక్సైజ్ శాఖ మంత్రి జె.కృష్ణారావుతో పాటు ఉన్నతాధికారులకు ఇండస్ట్రీ అసోసియేషన్లు, సంస్థలు లేఖలు పంపాయి. గతేడాది నుంచే రేట్ కాంట్రాక్ట్ అగ్రిమెంట్ ప్రకారం 45 రోజుల క్రెడిట్ పీరియడ్‌ను అతిక్రమిస్తూ చెల్లింపులు ఆలస్యం అవుతుండటంతో కంపెనీలపై వడ్డీ భారం పెరిగిందని వెల్లడించాయి.
Read this also…Indian Liquor Industry Requests Telangana Government to Settle Rs.3,100 Crore Dues, Proposes Price Increase to Counter Rising Costs
Read this also…OPPO K13 Set to Launch on April 21: Overpowered Where It Truly Counts
బకాయిలతో పరిశ్రమ దెబ్బతింటోంది:
భారతీయ మద్యం సంస్థల సమాఖ్య (CIABC) డైరెక్టర్ జనరల్ అనంత్ ఎస్ అయ్యర్ మాట్లాడుతూ – ‘‘ఇప్పటివరకు 45 రోజులకు మించి పెండింగ్‌లో ఉన్న బకాయిల మొత్తం సుమారు రూ.3100 కోట్లు. దీని వల్ల ఇప్పటివరకు రూ.325 కోట్ల వడ్డీ భారం వచ్చి పడింది. అయినా సరే మేము సరఫరాలో ఎలాంటి అంతరాయం లేకుండా సేవలు అందిస్తున్నాం’’ అని తెలిపారు.
ఉత్పత్తి వ్యయం గణనీయంగా పెరిగింది:
ఈఎన్ఏ, మాల్ట్ స్పిరిట్ వంటి ముడి పదార్థాల ధరల పెరుగుదల, ప్యాకేజింగ్, రవాణా, కార్మిక వ్యయాలు భారీగా పెరగడంతో ఒక్కో కేసుపై రూ.100 నుంచి రూ.200 వరకు అదనపు ఖర్చు పడుతోందని ఆయ‌న పేర్కొన్నారు. బీర్ పరిశ్రమకు ఇటీవల ధరల పెంపును అనుమతించినట్టు, స్పిరిట్స్, వైన్ తయారీదారులకు కూడా అదే విధంగా అనుమతి ఇవ్వాలని ఆయ‌న ప్రభుత్వాన్ని కోరారు.
ఇది కూడా చదవండి..సైబర్‌సిటీ బిల్డర్స్ అందించిన విలాసవంతమైన “విల్లా వెర్డే” ప్రాజెక్ట్ గ్రాండ్‌గా ప్రారంభం
Read this also…Villa Verde – Cybercity Builders Launches Ultra-Luxury Villa Community at Green Hills Road, Hitec City
పెట్టుబడులకు ప్రమాదమే:
‘‘అలసే చెల్లింపులతో పాటు, లైసెన్స్ ఫీజు, లేబుల్ రిజిస్ట్రేషన్ ఫీజులను ముందుగానే చెల్లించాల్సిన పరిస్థితి, సంస్థలను మరింత ఒత్తిడిలోకి నెట్టేస్తోంది. ఇది కొత్త పెట్టుబడులకు అడ్డు అవుతున్నదే కాకుండా, ఇప్పటికే పెట్టిన పెట్టుబడులకు కూడా నష్టాన్ని తెస్తోంది’’ అని అనంత్ అయ్యర్ పేర్కొన్నారు.
About Author
