సిగ్నేచర్ గ్లోబల్, టోనినో లాంబోర్గిని సంయుక్తంగా గురుగ్రామ్‌లో సరికొత్త లగ్జరీ బ్రాండెడ్ రెసిడెన్షియల్ ప్రాజెక్ట్

వారాహి మీడియా డాట్ కామ్ ఆన్ లైన్ న్యూస్,హైదరాబాద్, ఏప్రిల్ 16,2026: భారతదేశపు అగ్రశ్రేణి రియల్ ఎస్టేట్ డెవలపర్లలో ఒకటైన ‘సిగ్నేచర్ గ్లోబల్’.. గురుగ్రామ్‌లోని సెక్టార్ 71లో ఒక ప్రతిష్టాత్మక ప్రీమియం రెసిడెన్షియల్ ప్రాజెక్ట్‌ను నిర్మించేందుకు ప్రపంచ ప్రఖ్యాతి గాంచిన ఇటాలియన్ లైఫ్‌స్టైల్ బ్రాండ్ ‘టోనినో లాంబోర్గిని’తో వ్యూహాత్మక భాగస్వామ్యం కుదుర్చుకున్నట్లు ప్రకటించింది.

అద్భుతమైన పనితనం, అత్యుత్తమ డిజైన్, విలాసవంతమైన జీవనానికి ప్రపంచవ్యాప్తంగా మారుపేరుగా నిలిచే ‘టోనినో లాంబోర్గిని’ బ్రాండ్ నేతృత్వంలో ఈ ప్రాజెక్ట్ ఒక సరికొత్త ఇటాలియన్ నివాస అనుభూతిని ఇక్కడ పరిచయం చేయనుంది. ఈ భాగస్వామ్యంతో టోనినో లాంబోర్గిని భారతీయ రెసిడెన్షియల్ రియల్ ఎస్టేట్ రంగంలోకి అడుగుపెట్టడమే కాకుండా, బ్రాండెడ్ నివాసాల విభాగంలో ఒక కొత్త బెంచ్‌మార్క్‌ను సృష్టిస్తోంది.

గురుగ్రామ్‌లో రియల్ ఎస్టేట్ పరంగా అత్యంత వేగంగా అభివృద్ధి చెందుతున్న సదరన్ పెరిఫెరల్ రోడ్డులోని సెక్టార్ 71లో.. సుమారు 12.40 ఎకరాల విస్తీర్ణంలో ఈ ప్రాజెక్ట్ రూపుదిద్దుకోనుంది. ఇందులో 3, 4, మరియు 4.5 BHK విభాగాలలో మొత్తం 812 ప్రీమియం ఇళ్లను నిర్మించనున్నారు.

ఇదీ చదవండి :నగరంలో మలబార్ గోల్డ్ ‘ఆర్టిస్ట్రి స్టోర్’ ప్రారంభం…

Read this also..Flipkart Honored as One of ET Edge’s Best Organisations for Women 2026

ప్రముఖ బ్రాండ్ల నివాసాల విభాగానికి ప్రపంచవ్యాప్తంగా ఆదరణ విపరీతంగా పెరుగుతోంది. సావిల్స్ ఇండియా నివేదిక ప్రకారం, డిసెంబర్ 2024 నాటికి 764గా ఉన్న ఈ ప్రాజెక్టుల సంఖ్య, 2025 చివరి నాటికి 910కి చేరుకుంటుందని అంచనా, అంటే వార్షికంగా 19% వృద్ధి నమోదు కానుంది.

నైట్ ఫ్రాంక్ వారి ‘ది వెల్త్ రిపోర్ట్’ ప్రకారం, ఈ రంగంలో ప్రపంచంలో టాప్ 10 దేశాల జాబితాలో ఉన్న భారతదేశం తన స్థానాన్ని వేగంగా పదిలపరుచుకుంటోంది – ప్రస్తుతం ప్రపంచవ్యాప్తంగా ఆరవ స్థానంలో ఉంటూ, గ్లోబల్ సప్లయ్‌లో దాదాపు 4% వాటాను అందిస్తోంది.

సంపద పెరగడం, లగ్జరీ జీవనశైలి అలవాటు పడటం, అంతర్జాతీయ స్థాయి హాస్పిటాలిటీ ఆధారిత నివాసాలకు డిమాండ్ పెరుగుతున్న నేపథ్యంలో.. దేశంలో బ్రాండెడ్ నివాసాల వృద్ధిలో గురుగ్రామ్ తిరుగులేని ఆధిపత్యాన్ని ప్రదర్శిస్తోంది.

ఇదీ చదవండి :ఎస్‌బీఐ లైఫ్ ‘థాంక్స్ ఏ డాట్’: కాలేజీల్లో బ్రెస్ట్ హెల్త్ అవగాహన..

ఇదీ చదవండి :హుస్సేన్ సాగర్‌లో గుప్త నిధులు? సోషల్ మీడియాలో చర్చ..

ఈ భాగస్వామ్యం ద్వారా టోనినో లాంబోర్గినికి చెందిన అద్భుతమైన ఇటాలియన్ హస్తకళ, అత్యుత్తమ డిజైన్, బ్రాండ్ ప్రతిష్టలు భారతీయ పట్టణ జీవనశైలికి సరికొత్త వన్నె తీసుకురానున్నాయి. లాంబోర్గిని వారసత్వ స్ఫూర్తితో, గురుగ్రామ్ వేగవంతమైన వృద్ధికి, గ్లోబల్ డిజైన్ ప్రమాణాలకు అద్దం పట్టేలా ఇటాలియన్ సొబగులు, భారతీయ ఆకాంక్షల కలయికగా ఈ ప్రాజెక్ట్‌ను తీర్చిదిద్దుతున్నారు.

టోనినో లాంబోర్గిని టోటల్ లివింగ్ క్రియేటివ్ డైరెక్టర్ శ్రీమతి ఏంజెలా క్రీగర్ సృజనాత్మక సారథ్యంలో.. జీవనశైలి మరియు భవన నిర్మాణ శైలిలో అద్భుతమైన మార్పులు తీసుకువస్తున్నారు. గ్రాండ్ రిసెప్షన్ లాబీతో పాటు కేఫ్, రెస్టారెంట్, బాంకెట్ హాల్స్, యోగా, స్విమ్మింగ్ పూల్, జిమ్, స్పా, సౌనా, సెలూన్ ,గేమింగ్ ఆర్కేడ్ వంటి సకల సదుపాయాలతో కూడిన క్లబ్‌హౌస్‌ను ఇక్కడ ప్రత్యేకంగా తీర్చిదిద్దుతున్నారు.

ఇవన్నీ కలిసి ఒక పరిపూర్ణమైన విలాసవంతమైన ప్రపంచాన్ని కళ్ళముందు ఉంచుతాయి. ఇక్కడి వాతావరణం,విలక్షణమైన డిజైన్.. ఆరోగ్యం, ఆహ్లాదాన్ని ఒక ఉన్నత జీవన సూత్రంగా మారుస్తూ దైనందిన జీవితంలో నాణ్యతను పెంచుతాయి. మనసుకు హాయినిచ్చేలా, శరీరానికి నూతన శక్తినిచ్చేలా రూపొందించిన ఈ పరిసరాలు కలకాలం నిలిచిపోయే సౌకర్యాన్ని, మానసిక ప్రశాంతతను అందిస్తాయి.

ఈ బ్రాండ్‌కే సొంతమైన విలక్షణమైన రూపకల్పన శైలి భవన ముఖభాగంలో స్పష్టంగా కనిపిస్తుంది. దీనివల్ల ఈ ప్రాజెక్ట్‌కు ఒక ప్రత్యేక ఆకర్షణ, ఐకానిక్ గుర్తింపు లభిస్తుంది.

విశాలతకు, ప్రకృతి సిద్ధమైన వెలుతురుకు పెద్దపీట వేస్తూ లగ్జరీకి సరికొత్త నిర్వచనం ఇచ్చేలా దీని నిర్మాణ శైలి ఉంటుంది. అంతస్తుల మధ్య ఎక్కువ ఎత్తు ఉండటం వల్ల నివాసితులకు ఎంతో హాయిగా, విశాలంగా ఉన్న అనుభూతి కలుగుతుంది. చుట్టుపక్కల ఉన్న పచ్చదనం కళ్ళకు విందు చేసేలా టవర్లను అద్భుతంగా అమర్చారు. దైనందిన జీవితం ప్రకృతితో మమేకమయ్యేలా, ఆహ్లాదకరమైన పచ్చని పరిసరాలను ఈ ప్రాజెక్ట్‌లో పొందుపరిచారు.

ఈ భాగస్వామ్యం గురించి సిగ్నేచర్ గ్లోబల్ (ఇండియా) లిమిటెడ్ వ్యవస్థాపకుడు , చైర్మన్ శ్రీ ప్రదీప్ అగర్వాల్ మాట్లాడుతూ, “ప్రపంచ స్థాయి ఆవిష్కరణలను మన దేశానికి తీసుకురావడం ద్వారా భారతదేశంలో పట్టణ జీవన ప్రమాణాలను పునర్నిర్వచించాలన్నదే మా లక్ష్యం.

అంతర్జాతీయ స్థాయిలో ఖ్యాతి గడించిన టోనినో లాంబోర్గిని వంటి బ్రాండ్‌తో జతకట్టడం ద్వారా మేము కేవలం అపార్ట్‌మెంట్‌లను నిర్మించడం లేదు; నేటితరం భారతీయ విజేతల ఆకాంక్షలకు తగ్గట్లుగా ఒక విశిష్టమైన జీవనశైలిని పరిచయం చేస్తున్నాము.

సకల సదుపాయాలతో కూడిన నివాసాల నిర్మాణంలో మాకున్న నైపుణ్యాన్ని, టోనినో లాంబోర్గిని మాత్రమే అందించగల అద్భుతమైన ఇటాలియన్ నైపుణ్యంతో మేళవించాము. సెక్టార్ 71లో తీసుకువస్తున్న ఈ ప్రాజెక్ట్ అత్యుత్తమ ప్రమాణాల పట్ల మాకున్న నిబద్ధతకు నిదర్శనం” అని అన్నారు.

ఈ ప్రాజెక్టుకు ప్రధాన ఆకర్షణగా టోనినో లాంబోర్గిని ప్రత్యేక శైలిలో రూపుదిద్దుకుంటున్న సిగ్నేచర్ క్లబ్‌హౌస్ నిలుస్తుంది. ఇది అంతర్జాతీయ స్థాయి సౌకర్యాలను కల్పిస్తుంది. గ్రాండ్ రిసెప్షన్ లాబీ నుండి మొదలుకొని డిజైనర్ కేఫ్, ఫైన్-డైనింగ్ రెస్టారెంట్, గ్రాండ్ బాంకెట్ , అత్యాధునిక గేమింగ్ ఆర్కేడ్ వరకు.. ఇక్కడి నివాసితులు అడుగడుగునా సరికొత్త అనుభూతులను పొందుతారు. జిమ్, స్విమ్మింగ్ పూల్, యోగా స్పేస్‌లు, లగ్జరీ స్పా, సౌనా మరియు ప్రీమియం సెలూన్ వంటి వెల్‌నెస్ సదుపాయాలు నివాసితులకు ఒక ఉన్నతమైన జీవనశైలిని అందిస్తాయి.

భారతీయ నివాస గృహాల రంగంలోకి అడుగుపెట్టడంపై టోనినో లాంబోర్గిని ఎస్.పి.ఎ. వ్యవస్థాపకుడు ,ప్రెసిడెంట్ శ్రీ టోనినో లాంబోర్గిని మాట్లాడుతూ, “సిగ్నేచర్ గ్లోబల్‌తో కలిసి భారతీయ బ్రాండెడ్ రియల్ ఎస్టేట్ రంగంలోకి తొలిసారిగా అడుగుపెట్టడం నా లక్ష్యానికి నిదర్శనం.

విలక్షణమైన గుర్తింపు, ఇటాలియన్ డిజైన్ సంస్కృతి,నాణ్యతతో అద్భుతమైన జీవనశైలికి ఆనవాళ్లుగా నిలిచే నిర్మాణాలను చేపట్టడమే నా ధ్యేయం. నా పేరున్న ప్రతి ప్రాజెక్ట్ కేవలం భవనాలకే పరిమితం కాదు, అది ఒక విశిష్టమైన జీవన విధానాన్ని సూచిస్తుంది. హస్తకళా నైపుణ్యం, ఆవిష్కరణలు కలగలిసిన సమకాలీన విలాసవంతమైన జీవనానికి అదొక నిదర్శనం.

భారతదేశపు లోతైన చరిత్ర, సంస్కృతి నన్ను ఎప్పుడూ ఆకర్షిస్తుంటాయి. గురుగ్రామ్‌లోని ఈ ఐదు టవర్ల ప్రాజెక్ట్‌తో ఇటాలియన్ జీవనశైలి, విలక్షణమైన డిజైన్ కలగలిసిన ఒక అంతర్జాతీయ నివాస అనుభూతిని అందించడం ద్వారా ఆధునిక లగ్జరీకి సరికొత్త ప్రమాణాలను నెలకొల్పడమే మా లక్ష్యం” అని పేర్కొన్నారు.

సకల సదుపాయాలతో కూడిన నివాసాల అభివృద్ధిలో సిగ్నేచర్ గ్లోబల్ నైపుణ్యాన్ని, అలాగే పక్కా ప్రణాళిక ,ఆవిష్కరణల పట్ల వారికున్న నిబద్ధతను ఈ భాగస్వామ్యం చాటిచెబుతోంది. సిగ్నేచర్ గ్లోబల్,టోనినో లాంబోర్గిని సంయుక్తంగా తీర్చిదిద్దుతున్న ఈ ప్రతిష్టాత్మక నిర్మాణం, సమకాలీన విలాసవంతమైన జీవనానికి,తిరుగులేని ఇటాలియన్ నైపుణ్యానికి సజీవ సాక్ష్యంగా నిలుస్తుంది.