ఎక్స్‌కాన్ 2025: అధునాతన నిర్మాణ యంత్రాలను ఆవిష్కరించిన ‘ఎస్కార్ట్స్ కుబోటా’..

వారాహి మీడియా డాట్ కామ్ ఆన్ లైన్ న్యూస్, బెంగళూరు,డిసెంబర్ 23,2025: దేశీయ ఇంజినీరింగ్ దిగ్గజం ఎస్కార్ట్స్ కుబోటా లిమిటెడ్ (EKL), ప్రతిష్టాత్మక ‘ఎక్స్‌కాన్ 2025’ అంతర్జాతీయ ప్రదర్శనలో సరికొత్త నిర్మాణ యంత్రాలను పరిచయం చేసింది. భారత మౌలిక సదుపాయాల రంగం మారుతున్న అవసరాలకు అనుగుణంగా, అత్యున్నత సాంకేతికతతో కూడిన BS V-కంప్లైంట్ పరికరాలను సంస్థ ఈ వేదికపై ఆవిష్కరించింది.

కుబోటా యూ22-6 (మినీ ఎక్స్‌కవేటర్): నగరాల్లో ఇరుకైన ప్రదేశాలు, బేస్‌మెంట్ తవ్వకాల కోసం ఈ 2.2 టన్నుల మినీ ఎక్స్‌కవేటర్‌ను కంపెనీ వాణిజ్యపరంగా మార్కెట్లోకి విడుదల చేసింది. దీనిలోని ‘జీరో-టైల్ స్వింగ్’ టెక్నాలజీ వల్ల రద్దీ ప్రాంతాల్లో కూడా యంత్రం సులభంగా పని చేయగలదు.

హైడ్రా 15 మైనింగ్ (నమూనా యంత్రం): గనులు, క్వారీ పనుల కోసం ప్రత్యేకంగా రూపొందించిన ఈ మోడల్‌లో ఆపరేటర్ సౌకర్యం కోసం ఏసీ క్యాబిన్, పటిష్టమైన భద్రతా ఫీచర్లను ఏర్పాటు చేశారు.

బీఎల్‌ఎక్స్75కే బ్యాక్‌హో లోడర్: జపాన్ ఇంజినీరింగ్ నైపుణ్యంతో రూపొందించిన ఈ యంత్రం 74.3 hp కుబోటా ఇంజిన్‌తో పనిచేస్తుంది. ఇది తక్కువ ఇంధనంతో ఎక్కువ పనితీరును (Fuel Efficiency) అందిస్తుంది.

హైడ్రా 72 (కాన్సెప్ట్ క్రేన్): బరువులను చాలా ఎత్తుకు (72 అడుగులు) ఎత్తగలిగే సామర్థ్యం ఈ క్రేన్ సొంతం. గతంలో ఉన్న 65 అడుగుల మోడల్ కంటే ఇది మరింత శక్తివంతమైనది.

భారతీయ నైపుణ్యం – జపాన్ కచ్చితత్వం
ఈ సందర్భంగా ఎస్కార్ట్స్ కుబోటా ఛైర్మన్ ,మేనేజింగ్ డైరెక్టర్ శ్రీ నిఖిల్ నందా మాట్లాడుతూ.. “మా ఇంజినీరింగ్ విధానం ఎప్పుడూ పర్యావరణహితం,వినూత్నంగా ఉంటుంది. భారతీయ నైపుణ్యం, జపాన్ దేశపు కచ్చితమైన నిర్మాణ పద్ధతుల కలయికే ఈ కొత్త ఉత్పత్తులు. ఇవి నిర్మాణ రంగంలో ఖర్చును తగ్గించి, ఉత్పాదకతను పెంచుతాయి” అని పేర్కొన్నారు.

డిప్యూటీ మేనేజింగ్ డైరెక్టర్ అకిరా కాటో మాట్లాడుతూ, వినియోగదారుల అవసరాలకు అనుగుణంగా తక్కువ నిర్వహణ ఖర్చుతో కూడిన యంత్రాలను అందించడమే తమ లక్ష్యమని తెలిపారు.

ఈ ప్రదర్శనలో భవిష్యత్తులో రాబోయే మరిన్ని కాన్సెప్ట్ మోడళ్లను కూడా కంపెనీ ప్రదర్శించి, సందర్శకులను విశేషంగా ఆకర్షించింది.

About Author

varahimedia.com

See author's posts