“జనప్రియ 40 ఏళ్ల ప్రయాణం – 40 వేల గృహాల విజయగాథ”..

వారాహి మీడియా డాట్ కామ్ ఆన్ లైన్ న్యూస్,హైదరాబాద్, నవంబర్ 28, 2025: రియల్ ఎస్టేట్ రంగంలో విశ్వసనీయతకు నిర్వచనంగా నిలిచిన జనప్రియ గ్రూప్ మరో చారిత్రక ఘట్టాన్ని నమోదు చేసింది. సంస్థ 40 ఏళ్ల ప్రయాణాన్ని పూర్తిచేసుకోవడంతో పాటు, 40 వేల ఫ్లాట్ల నిర్మాణం పూర్తి చేసిన సందర్బంగా జూబ్లీహిల్స్ JRC కన్వెన్షన్‌లో వేడుకలను అట్టహాసంగా నిర్వహించారు.

అదే వేదికపై సంస్థ స్థాపకుడు, ఛైర్మన్ కె. రవీందర్ రెడ్డి 72వ పుట్టిన రోజును కూడా ఘనంగా జరుపుకున్నారు. ప్రముఖ గాయకుడు రేవంత్ ప్రత్యేక సంగీత ప్రదర్శనతో వేడుకలకు మరింత వైభవం చేకూర్చారు.

వేడుకల్లో జనప్రియ ప్రతినిధులు, సిబ్బంది, బిల్డర్లు, సన్నిహితులు పాల్గొని ఈ చారిత్రాత్మక క్షణానికి సాక్షులయ్యారు.

స్థిరత్వంతో ముందుకు సాగిన ప్రయాణం

జనప్రియ అప్ స్కేల్ మేనేజింగ్ డైరెక్టర్ క్రాంతి కిరణ్ రెడ్డి మాట్లాడుతూ—
“సంస్థ నాలుగు దశాబ్దాలు పైబడిన ఈ ప్రయాణంలో ఎన్నో ఆర్థిక ఒడిదొడుకులు, రాజకీయ మార్పులను ఎదుర్కొన్నప్పటికీ, మా సంకల్పబలం మమ్మల్ని ఇక్కడికి తీసుకొని వచ్చింది. ఈ స్థాయికి ఎదగడానికి సహకరించిన ప్రతి ఒక్కరికి ధన్యవాదాలు,” అని తెలిపారు.

A Legacy of Trust: Janapriya Upscale Marks 40 Years and 40,000 Homes..

అలాగే తన తండ్రి రవీందర్ రెడ్డి వేసిన బలమైన పునాది కారణంగానే జనప్రియ నేడు ఈ ఉన్నత స్థాయికి చేరిందని అభినందించారు. రాబోయే రోజుల్లో మరిన్ని విలువైన, ఆధునిక గృహ ప్రాజెక్టులను అందిస్తామని హామీ ఇచ్చారు.

అందరికీ అందుబాటులో ఇళ్లు – రవీందర్ రెడ్డి ధ్యేయం

సంస్థ ఛైర్మన్ & ఫౌండర్ కె. రవీందర్ రెడ్డి మాట్లాడుతూ—
“అందరికీ అందుబాటు ధరల్లో ఇళ్లు అందించడం మా ప్రధాన లక్ష్యం. హౌసింగ్ బోర్డు, హుడా, హెచ్డీఎఫ్సీ వంటి సంస్థల పని తీరే నాకు ఆదర్శం. గృహ రుణాలు పొందడంలో ప్రజలు గతంలో ఎదుర్కొన్న కష్టాలే, నాకు అందరికీ అందే గృహ సముదాయాలను నిర్మించాలనే ఆలోచనకు కారణం అయ్యాయి,” అని చెప్పారు.
తన అనుభవాలను గుర్తుచేసుకుంటూ సంస్థ గత 40 ఏళ్ల విజయాలు, సవాళ్ళను షేర్ చేశారు.

జనప్రియ – నమ్మకానికి ప్రతీక

‘జనప్రియ’ అనే పేరుకి తగినట్లుగానే, ఈ బ్రాండ్ నాలుగు దశాబ్దాల నిష్కళంక విశ్వాసం, నాణ్యత, మరియు ప్రజల ప్రేమను సొంతం చేసుకుంది. ఈ మహోత్సవం సంస్థ ప్రయాణంలో మరో కొత్త అధ్యాయానికి నాంది పలికింది.